ବଲାଙ୍ଗିର, (କେପିଏନ୍ଏସ୍) : ଆଜି ଅପରାହ୍ନରେ ସି.ବି.ଏସ୍.ଇ ଦ୍ଵାଦଶ ଓ ଦଶମ ଶ୍ରେଣୀର ବୋର୍ଡ଼ ପରୀକ୍ଷାର ଫଳାଫଳ ପ୍ରକାଶ ପାଇଛି । ଦ୍ୱାଦଶ ଶ୍ରେଣୀରେ ୯୫% ପାସ୍ ହାର ରହିଥିବା ବେଳେ, ଛାତ୍ର ବାସ୍ତବ ଗୁରୁ ୯୬% ରଖି ଉଲ୍ଲେଖନୀୟ ସଫଳତା ହାସଲ କରିଛନ୍ତି । ସେହିପରି ଭାବରେ ଦଶମ ଶ୍ରେଣୀରେ ୧୦୦% ପାସ ହାର ରହିଥିବା ବେଳେ ୧୬ ଜଣ ଛାତ୍ର, ଛାତ୍ରୀ ୯୦%ରୁ ଅଧିକ ନମ୍ବର ରଖି ପାସ୍ ହୋଇଛନ୍ତି । ଦଶମ ଶ୍ରେଣୀର ଛାତ୍ର ଆୟୁଷ୍ମାନ୍ ଷଡ଼ଙ୍ଗୀ ୯୭. ୨% ରଖି ବିଦ୍ୟାଳୟରେ ସର୍ବୋଚ୍ଚ ସ୍ଥାନ ଅଧିକାର କରିଥିବା ବେଳେ ରାଜୀବ ସାହୁ ଓ ଛାତ୍ରୀ ଦିଶା ଅଗ୍ରୱାଲ ୯୬% ରଖି ଉଲ୍ଲେଖନୀୟ ସଫଳତା ହାସଲ କରିଛନ୍ତି । ଛାତ୍ର, ଛାତ୍ରୀ ମାନେ ନିଜର ସଫଳତା ପାଇଁ ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀ ମାନଙ୍କର ଅବଦାନ ରହିଛି ବୋଲି କହିଛନ୍ତି । ବିଦ୍ୟାଳୟର ଆଞ୍ଚଳିକ ନିର୍ଦ୍ଦେଶକ ଡ. ପ୍ରଦୀପ ଷଡ଼ଙ୍ଗୀ ସମସ୍ତ ଛାତ୍ର, ଛାତ୍ରୀଙ୍କୁ ଅଭିନନ୍ଦନ ଜଣାଇବା ସହିତ ସେମାନଙ୍କର ଉଜ୍ଜଳ ଭବିଷ୍ୟତ ପାଇଁ କାମନା କରିଛନ୍ତି । ଛାତ୍ରଛାତ୍ରୀ ମାନଙ୍କର ଏଇ ଉଲ୍ଲେଖନୀୟ ସଫଳତା ପାଇଁ ସମସ୍ତଙ୍କୁ ଶୁଭେଚ୍ଛା ଓ ଅଭିନନ୍ଦନର ସୁଅଛୁଟୁଛି ।
