ବଲାଙ୍ଗିର, (କେପିଏନ୍ଏସ୍) : ପୁଇଁନ୍ତଲା ବ୍ଳକ ଅନ୍ତର୍ଗତ ମଲମୁଣ୍ଡା ପ୍ରାଥମିକ ବିଦ୍ୟାଳୟରେ ଖଡିଛୁଆଁ ଓ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ମଲମୁଣ୍ଡା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ତଥା ପ୍ରଧାନ ଶିକ୍ଷକ ପ୍ରମୋଦ କୁମାର ପଟେଲ ସଂଯୋଜନା କରିଥିବା ବେଳେ ପରିଚାଳନା କମିଟି ସଭାପତି ନନ୍ଦଲାଲ ସେଠ ମୁଖ୍ୟ ଅତିଥିଭାବେ ଯୋଗଦେଇଥିଲେ । ସର୍ବ ପ୍ରଥମେ ଅତିଥିମାନେ ମା ବାଗ୍ଦେବୀ ଓ ଶ୍ରୀ ଗଣେଶଙ୍କ ଫଟୋ ଚିତ୍ରରେ ଧୂପଦୀପ ଓ ପୁଷ୍ପମାଲ୍ୟ ପ୍ରଦାନ ପରେ ସମସ୍ତ ଶିକ୍ଷାର୍ଥୀଙ୍କୁ ଫୁଲ ଚନ୍ଦନ ଦେଇ ସ୍ଵାଗତ କରାଯାଇଥିଲା । ୫ରୁ ୬ ବର୍ଷର ପିଲାଙ୍କୁ ଶିଶୁ ବାଟିକା ଶ୍ରେଣୀ ଓ ୬ରୁ ଅଧିକ ବୟସର ପିଲାଙ୍କୁ ପ୍ରଥମ ଶ୍ରେଣୀରେ ଖଡ଼ିଛୁଆଁ ସହ ନାମ ଲେଖାଯାଇଥିଲା । ଏହି ଅବସରରେ ଶିଶୁ ବାଟିକା କିଟ ଓ ମିଷ୍ଟାନ୍ନ ବଣ୍ଟନ ବିଦ୍ୟାଳୟ ତରଫରୁ କରାଯାଇଥିଲା । ବିଦ୍ୟାଳୟ ଅଭିଭାବକ ସଂଘ ସହ ଶିକ୍ଷୟିତ୍ରୀ ରଞ୍ଜିତା ଜେନା, କଳ୍ପନାରାଣୀ ପଟେଲ, ଇତିଶ୍ରୀ ଦାଶ ଓ ଶିକ୍ଷକ କାହ୍ନା ସାହୁ ସହଯୋଗ କରିଥିଲେ ।