ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ବ୍ଲକ ଅନ୍ତର୍ଗତ ପୋଟ୍ଟଲାମପୁର ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ବିକଶିତ ଭାରତ ସଂକଳ୍ପ ଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଭାରତ ସରକାରଙ୍କ ଦ୍ୱାରା ବିଭିନ୍ନ ଯୋଜନା ସମ୍ପର୍କରେ ଅବଗତ କରାଇବା ଓ ଲୋକଙ୍କ ପାଖରେ ସମସ୍ତ ଯୋଜନାମାନ କିଭଳି ପହଞ୍ଚିବ ସେ ନେଇ ଏକ ରଥ ବାହାରି ପୋଟ୍ଟାଲାମ୍ପୁର ଗ୍ରାମରେ ପହଞ୍ଚିବା ପରେ ରଥଟିକୁ ମହିଳାମାନେ ବନ୍ଦାପନା କରିଥିଲେ । ବିଭିନ୍ନ ଯୋଜନା ସମ୍ପର୍କରେ ଲୋକମାନଙ୍କୁ ଭିଡ଼ିଓ ମାଧ୍ୟମରେ ଅବଗତ କରାଇଥିଲେ । କିଛି ସ୍କୁଲର କୁନି କୁନି ପିଲାଙ୍କୁ ନେଇ ସାଂସ୍କୃତିକ ଗୀତ ନାଚରେ ଦୁଲୁକି ଉଠିଥିଲା ମଞ୍ଚ । ଏହି ସଭାରେ ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ (ଛତ୍ରପୁର) ଅଶୋକ କୁମାର ଦାସ, ଗ୍ରାମ ସମିତି ସଭ୍ୟ ଶମ୍ଭୁନାଥ ସ୍ୱାଇଁ, ନିର୍ବାହୀ ଅଧିକାରୀ ସନ୍ତୋଷ କୁମାର ବେହେରା. ବୌରାଗୀ ସ୍ୱାଇଁ (ଗ୍ରାମୀଣ କୃଷି କର୍ମଚାରୀ) ସମସ୍ତ ଏସ୍ଏଚ୍ଜି ମହିଳାମାନେ ଓ ଏମ୍ବିକେ ୱାର୍ଡ ମେମ୍ବରଙ୍କୁ ନେଇ ପୋଟ୍ଟଲାମ୍ପୁର ଗ୍ରାମର ସରପଞ୍ଚ ନିରଞ୍ଜନ ପ୍ରଧାନ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶେଷରେ କାର୍ଯ୍ୟକ୍ରମଟି ସାଫଲ୍ୟ ମଣ୍ଡିତ ହୋଇଥିଲା ।