କଟକ : ତ୍ରିଶୂଳିଆ ଓଭର ବ୍ରିଜ ନିକଟରେ ରବିବାର ଦିନ ସକାଳେ ଏକ ବଡ଼ ଧରଣର ଦୁର୍ଘଟଣା ଘଟିଛି । ଜଣେ ପୁଲିସ କନଷ୍ଟେବଳଙ୍କୁ ହାଇୱା ଧକ୍କା ଦେବା ଫଳରେ ତାଙ୍କ ଗୋଡ଼ ଛିଣ୍ଡି ଦୁଇ ଖଣ୍ଡ ହୋଇଯାଇଛି । ଆହତ କନଷ୍ଟେବଳ ହେଉଛନ୍ତି ରେବା ମାରାଣ୍ଡି(୪୨) । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ସିଡିଏର ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି । ପ୍ରଚୁର ରକ୍ତସ୍ରାବ ହୋଇଥିବାରୁ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବା କୁହାଯାଉଛି ।