ଆଗଲପୁର, (ସୁଶୀଲ କୁମାର ମିଶ୍ର) : ବଲାଙ୍ଗିର ଜିଲ୍ଲା ଲୋଇସିଂହା ଥାନା ଭଳିଆମୁଣ୍ଡା ଛକରେ ଅଭିନବ ଉପାୟରେ କଫସିରପ୍ ମାଫିଆକୁ କାବୁ କଲା ବରଗଡ଼ ପୋଲିସ । ଜନଗହଳି ସ୍ଥାନରେ ନାକାବନ୍ଦୀ କରି ମାଫିଆଙ୍କୁ କାବୁ କରିବାରେ ପୋଲିସ ସଫଳ ହୋଇଛି । ତେବେ ପୋଲିସର ଏଭଳି କାର୍ଯ୍ୟାନୁଷ୍ଠାନକୁ ସ୍ଥାନୀୟ ଲୋକମାନେ ବିରୋଧ କରିଛନ୍ତି ।ସୂଚନାନୁଯାୟୀ, ୪ ଜଣ ମାଫିଆ କଫ୍ସିରଫ୍ ନେଇ ବରଗଡ଼ରୁ ସୋନପୁର ଯାଉଥିବା ନେଇ ପୋଲିସକୁ ବିଶେଷ ସୂତ୍ରରୁ ଖବର ମିଳିଥିଲା । ଏହି ସମୟରେ ବରଗଡ଼ ଏସପିଙ୍କ ସ୍ୱତନ୍ତ୍ର ସ୍କ୍ୱାର୍ଡ ଦୁଇଟି ଟିମ୍ ଏହି କଫସିରପ୍ ଚୋରାଚାଲାଣକୁ ନାକାବନ୍ଦୀ କରି ଧରିବାରେ ସଫଳ ହୋଇଛି । ଏପରିକି ପୋଲିସ ଅପରାଧୀଙ୍କ ଉପରକୁ ଗୁଳିମାଡ଼ କରିଛି । ହେଲେ ଯେଉଁସ୍ଥାନରେ ଏହି ଅପରେସନ କରିଥିଲେ ସେଠାରେ ଗାଁର ବହୁ ଘର ଥିବା ସହ ଲୋକଙ୍କ ସହ କିଛି ଅଘଟଣ ଘଟିଥାନ୍ତା ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି । ଯେଉଁଥିପାଇଁ ସ୍ଥାନୀୟ ଲୋକମାନେ ପୋଲିସକୁ ବହୁ ସମୟ ଧରି ଅଟକ ରଖିଥିଲେ। ତେବେ ୪ ଜଣ କଫସିରପ ମାଫିଆଙ୍କ ସହ ପୋଲିସ କଫ୍ସିରପ୍ ଜବତ କରିଛି ।