ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ଥାନା ମାଣ୍ଡୋସିଲ ଗ୍ରାମର ବହୁ ଚର୍ଚ୍ଚିତ ପିଙ୍କୁ ସାହୁ ହତ୍ୟାକାଣ୍ଡ ଘଟଣାରେ ପୋଲିସ ଆଗରୁ ୩ ଜଣଙ୍କୁ ଗିରଫ କରିଥିବା ବେଳେ ସେହି ହତ୍ୟାକାଣ୍ଡରେ ଲିପ୍ତ ଥିବା ୨ ଜଣ ଅଭିଯୁକ୍ତଙ୍କୁ ପାଇକମାଲ ପୋଲିସ ଗିରଫ କରି ଆଜି କୋର୍ଟ ଚାଲାଣ କରିଛି । ସେମାନେ ହେଲେ ରବିନ୍ଦ୍ର ରାଉତ ଓ ଗିରିଧାରୀ ଗଉଡ ନୂଆପଡା ଜିଲ୍ଲା ଶିର୍ତୋଲ ଏବଂ ରବିନ୍ଦ୍ର ରାଉତ ନୂଆଁପଡା ଜିଲ୍ଲା ଲଖନା ଗ୍ରାମର ଜଣାପଡିଛି । ସେମାନଙ୍କ ଠାରୁ ଗୋଟିଏ ବଜାଜ ପ୍ଲାଟିନା ମୋଟର ସାଇକେଲ ନଂ ଓଡି- ୨୬ଜି ୦୫୯୭ପୁଣି ହତ୍ୟା କାଣ୍ଡରେ ବ୍ୟବହୃତ ଏକ ଛୁରୀ, ୨ ଗୋଟି ମୋବାଇଲ ଏବଂ ହତ୍ୟା କାଣ୍ଡ ବେଳେ ପିନ୍ଧି ଥିବା ପୋଷାକ ପୋଲିସ ଜବତ କରିଛି । କୋର୍ଟ ଚାଲାଣ ପରେ ପାଇକମାଲ ପୋଲିସ ତଦନ୍ତ ଜାରି ରଖିଛି ।