ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ନବବର୍ଷ ଅବସରରେ ବିଡ଼ିଓ ଦିଲ୍ଲୀପ କୁମାର ଷଡ଼ଙ୍ଗୀ ଶନିବାର ଡେଲାଙ୍ଗ ବ୍ଲକ ପରିସରରେ ବିଭିନ୍ନ ଜାତିର ଫୁଲ ଗଛ ରୋପଣ କରିଛନ୍ତି । ବ୍ଲକ କାର୍ୟ୍ୟାଳୟ ପରିସରକୁ ସରସ, ସୁନ୍ଦର, ସ୍ବଛ ପରିବେଶମୟ କରି ଗଢି ତୋଳିବାରେ ବିଡ଼ିଓ ଶ୍ରୀ ଷଡଙ୍ଗୀଙ୍କ ଉଲ୍ଲେଖନୀୟ ଅବଦାନ ରହିଛି । ଏଥିସହ ଡେଲାଙ୍ଗ ଅଞ୍ଚଳର ବିକାଶ ଦିଗରେ ତାଙ୍କର ପ୍ରୟାସ ଓ ଦକ୍ଷତା ପାଇଁ ସେ ସମସ୍ତଙ୍କର ପ୍ରିୟ ହୋଇପାରିଛନ୍ତି । ବ୍ଲକ ପରିସରକୁ ସୌନ୍ଦର୍ଯ୍ୟକରଣ କାିବା ନେଇ ବିଡ଼ିଓ ଶ୍ରୀ ଷଡ଼ଙ୍ଗୀ ବିଭିନ୍ନ ଜାତିର ଫୁଲ ଗଛ ରୋପଣ କରିଥିଲେ । ଏଥିରେ ସମସ୍ତ ବ୍ଲକ କର୍ମଚାରୀ ରାମଚନ୍ଦ୍ର ଷଡଙ୍ଗୀ, ସୁଶାନ୍ତ କୁମାର ପଟ୍ଟନାୟକ, ଅନିରୁଦ୍ଧ ସ୍ବାଇଁ, ଜାକେଶ ସେନାପତି, ହୃଦାନନ୍ଦ ପରିଡ଼ା, ତପନ ଚନ୍ଦ୍ର ଦାସ, ରତ୍ନାକର ସାହୁ, ପ୍ରମୋଦୀନୀ ବେହେରା, ସୁଜାତା ଭୂଜୂବଲ ପ୍ରମୂଖ ସହଯୋଗ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରକୃତିବନ୍ଧୁ ଦିଲ୍ଲୀପ ଧାଉଡ଼ିଆ, ଯୁବ ଆଇନଜୀବୀ ହୃର୍ଷିକେଶ ପାଢୀ ଉପସ୍ଥିତ ରହିଥିଲେ ।