- ଜିଲ୍ଲାପାଳଙ୍କ ନିକଟରେ ଅଭିଯୋଗ ଆଣିଲେ ସମିତି ସଭ୍ୟା ସୁଷମା ପାଙ୍ଗି
କୋରାପୁଟ, (ସୁନାମ ହନ୍ତାଳ) : ବ୍ଲକରେ ଚାଲିଛି ପିସି କାରବାର । ଏଭଳି ସାଙ୍ଘାତିକ ଅଭିଯୋଗ ହୋଇଛି କୋରାପୁଟ ଜିଲ୍ଲାର ସେମିଳିଗୁଡା ବ୍ଲକରେ । ଏନେଇ ଜିଲ୍ଲାପାଳଙ୍କୁ ଏକ ଲିଖିତ ଅଭିଯୋଗ କରିଛନ୍ତି ଦୁଧାରୀ ସମିତି ସଭ୍ୟା ସୁଷମା ପାଙ୍ଗି । ସୂଚନା ଅନୁଗତ ଯେ, ସେମିଳିଗୁଡା ବ୍ଲକରେ ୧ ବର୍ଷ ହେବ ସମିତି ବୈଠକ ଅନୁଷ୍ଠିତ ହେଉନାହିଁ । ଓଡିଶା ପଞ୍ଚାୟତ ସମିତି ଆଇନ ୧୯୫୯ ଧାରା ୨୦ ଅନୁଯାୟୀ ୨ ମାସକୁ ଥରେ ବୈଠକ କରିଯିବା ପାଇଁ ନିୟମ ରହିଛି । କିନ୍ତୁ ଏହି ନିୟମ କାର୍ଯ୍ୟକାରୀ ହେଉନାହିଁ । ପଞ୍ଚାୟତରେ ଗ୍ରାମସଭା ହୋଉଛି ହେଲେ କୌଣସି ବିଭାଗୀୟ ଅଧିକାରୀ ଯୋଗ ଦେଉନାହାଁନ୍ତି । କିନ୍ତୁ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ବିଭାଗୀୟ ଅଧିକାରୀ ୨୦ ପ୍ରତିଶତ ପିସି କାଟିକି ନେଉଛନ୍ତି । ଯିଏ ଟଙ୍କା ଦେଉଛି କାମ ହେଉଛି । ଏଭଳି ଅନିୟମିତତା ମଧ୍ୟରେ ବ୍ଲକ କାର୍ଯ୍ୟାଳୟ ଚାଲୁଥିବା ଅଭିଯୋଗ କରିଛନ୍ତି ସମିତି ସଭ୍ୟା ସୁଷମା ପାଙ୍ଗି । ଏହାକୁ ନେଇ ଅଭିଯୋଗ ଶୁଣାଣିରେ ଅଭିଯୋଗ କରିବାରୁ କୋରାପୁଟ ଜିଲ୍ଲାପାଳ ଭି. କୀର୍ତ୍ତି ଭାସନ ଘଟଣାର ତଦନ୍ତ କରାଯାଇ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି ।