- ଗତ କିଛି ଦିନ ମଧ୍ୟରେ ନୂଆଦିଲ୍ଲୀରେ ଗୃହ ମନ୍ତ୍ରଣାଳୟର ଅଧିକାରୀ ଏବଂ କେଜେଡସିର ଏକ ପ୍ରତିନିଧି ଦଳ ମଧ୍ୟରେ ଏକାଧିକ ବୈଠକ ପରେ ଏହି ନିଷ୍ପତ୍ତି ନିଆଯାଇଛି
- ଏନ୍ଏଚ୍.-୦୨ରେ ଶାନ୍ତି ବଜାୟ ରଖିବା ପାଇଁ ଭାରତ ସରକାରଙ୍କ ଦ୍ୱାରା ନିୟୋଜିତ ସୁରକ୍ଷା ବାହିନୀକୁ ସହଯୋଗ କରିବାକୁ କେଜେଡ୍ସି ପ୍ରତିଶ୍ରୁତି ଦେଇଛି
- ଗୃହ ମନ୍ତ୍ରଣାଳୟ, ମଣିପୁର ସରକାର ଏବଂ କୁକି ନ୍ୟାସନାଲ ଅର୍ଗାନାଇଜେସନ୍/କେଏନ୍ଓ ଏବଂ ୟୁନାଇଟେଡ୍ ପିପୁଲ୍ସ ଫ୍ରଣ୍ଟ/ୟୁପିଏଫର ପ୍ରତିନିଧିମାନଙ୍କ ମଧ୍ୟରେ ଏକ ତ୍ରିପକ୍ଷୀୟ ବୈଠକ ମଧ୍ୟ ନୂଆଦିଲ୍ଲୀରେ ଅନୁଷ୍ଠିତ ହୋଇଥିଲା
- ଚୁକ୍ତିନାମା ସ୍ୱାକ୍ଷରିତ ହେବା ଦିନଠାରୁ ଏକ ବର୍ଷ ପାଇଁ କାର୍ଯ୍ୟକାରୀ ହେବାକୁ ଥିବା ପୁନଃ-ବୁଝାମଣା ନିୟମ ଏବଂ ସର୍ତ୍ତାବଳୀ (ମୂଳ ନିୟମ) ଉପରେ ଏକ ତ୍ରିପାକ୍ଷିକ ନିଲମ୍ବନ କାର୍ଯ୍ୟାନୁଷ୍ଠାନ (ଏସ୍ଓଓ) ରାଜିନାମା ସ୍ୱାକ୍ଷର ସହିତ ବୈଠକ ସମାପ୍ତ ହୋଇଥିଲା
ନୂଆଦିଲ୍ଲୀ, (ପିଆଇବି) : ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିକ୍ରମେ, କୁକି-ଜୋ ପରିଷଦ ଆଜି ଯାତ୍ରୀ ଏବଂ ଅତ୍ୟାବଶ୍ୟକ ସାମଗ୍ରୀର ମୁକ୍ତ ପରିବହନ ପାଇଁ ଜାତୀୟ ରାଜପଥ-୦୨ ଖୋଲିବାକୁ ନିଷ୍ପତ୍ତି ନେଇଛି । ଗତ କିଛି ଦିନ ମଧ୍ୟରେ ନୂଆଦିଲ୍ଲୀରେ ଗୃହ ମନ୍ତ୍ରଣାଳୟର ଅଧିକାରୀ ଏବଂ କେଜେଡସିର ଏକ ପ୍ରତିନିଧି ଦଳ ମଧ୍ୟରେ, ଏକାଧିକ ବୈଠକ ପରେ ଏହି ନିଷ୍ପତ୍ତି ନିଆଯାଇଛି । ଏନ୍ଏଚ୍.-୦୨ରେ ଶାନ୍ତି ବଜାୟ ରଖିବା ପାଇଁ ଭାରତ ସରକାରଙ୍କ ଦ୍ୱାରା ନିୟୋଜିତ ସୁରକ୍ଷା ବାହିନୀକୁ ସହଯୋଗ କରିବାକୁ କେଜେଡସି ପ୍ରତିଶ୍ରୁତି ଦେଇଛି ।
୨. ଏହା ସହିତ ଆଜି ନୂଆଦିଲ୍ଲୀରେ ଗୃହ ମନ୍ତ୍ରଣାଳୟ, ମଣିପୁର ସରକାର ଏବଂ କୁକି ନ୍ୟାସନାଲ ଅର୍ଗାନାଇଜେସନ୍/କେଏନ୍ଓ ଏବଂ ୟୁନାଇଟେଡ୍ ପିପୁଲ୍ସ ଫ୍ରଣ୍ଟ/ୟୁପିଏଫର ପ୍ରତିନିଧିମାନଙ୍କ ମଧ୍ୟରେ ଏକ ତ୍ରିପକ୍ଷୀୟ ବୈଠକ ମଧ୍ୟ ଅନୁଷ୍ଠିତ ହୋଇଥିଲା । ଚୁକ୍ତିନାମା ସ୍ୱାକ୍ଷରିତ ହେବାର ଦିନଠାରୁ ଏକ ବର୍ଷ ପାଇଁ କାର୍ଯ୍ୟକାରୀ ହେବାକୁ ଥିବା, ପୁନଃ-ବୁଝାମଣା ନିୟମ ଏବଂ ସର୍ତ୍ତାବଳୀ (ମୂଳ ନିୟମ) ଉପରେ ଏକ ତ୍ରିପାକ୍ଷିକ ନିଲମ୍ବନ କାର୍ଯ୍ୟାନୁଷ୍ଠାନ (ଏସ୍ଓଓ) ରାଜିନାମା ସ୍ୱାକ୍ଷର ସହିତ ବୈଠକ ସମାପ୍ତ ହୋଇଥିଲା । ଅନ୍ୟାନ୍ୟ ବ୍ୟବସ୍ଥା ମଧ୍ୟରେ, ସଂଶୋଧିତ ମୂଳ ନିୟମାବଳୀକୁ ଦୋହରା ଯାଇଛି :
୧. ମଣିପୁରର ଆଞ୍ଚଳିକ ଅଖଣ୍ଡତା ।
୨. ମଣିପୁର ରାଜ୍ୟରେ ସ୍ଥାୟୀ ଶାନ୍ତି ଏବଂ ସ୍ଥିରତା ଆଣିବା ପାଇଁ ଆଲୋଚନା ଜରିଆରେ ସମାଧାନର ଆବଶ୍ୟକତା ରହିଛି ।
୩. କେଏନ୍ଓ. ଏବଂ ୟୁପିଏଫ୍ ମଧ୍ୟ ରାଜି ହୋଇଛନ୍ତି :
୧. ସଂଘର୍ଷ ଆଶଙ୍କା ଥିବା ଅଞ୍ଚଳରୁ ଦୂରରେ ଥିବା ସାତଟି ନିର୍ଦ୍ଦିଷ୍ଟ ଶିବିରକୁ ସ୍ଥାନାନ୍ତର କରାଯିବ ।
୨. ନିର୍ଦ୍ଧାରିତ ଶିବିରଗୁଡ଼ିକର ସଂଖ୍ୟାକୁ ହ୍ରାସ କରାଯିବ ।
୩. ଅସ୍ତ୍ରଶସ୍ତ୍ରଗୁଡ଼ିକୁ ନିକଟସ୍ଥ ସିଆରପିଏଫ୍/ବିଏସ୍ଏଫ୍ ଶିବିରକୁ ସ୍ଥାନାନ୍ତର କରାଯିବ ।
୪. ଯଦି କୌଣସି ବିଦେଶୀ ନାଗରିକ ଅଛନ୍ତି, ତେବେ ସେମାନଙ୍କୁ ତାଲିକାରୁ ବାଦ ଦେବା ପାଇଁ ସୁରକ୍ଷା ବାହିନୀ ଦ୍ୱାରା କ୍ୟାଡରଗୁଡ଼ିକର କଠୋର ଶାରୀରିକ ଯାଞ୍ଚ କରାଯାଉ ।
୫. ବର୍ତ୍ତମାନଠାରୁ ଯୁଗ୍ମ ମନିଟରିଂ ଗ୍ରୁପ୍ ମୂଳ ନିୟମର କାର୍ଯ୍ୟକାରିତା ଉପରେ ତୀକ୍ଷ୍ଣ ନଜର ରଖିବ ଏବଂ ଭବିଷ୍ୟତରେ ଏସ୍ଓଓ ରାଜିନାମାର ସମୀକ୍ଷା ସମେତ ଉଲ୍ଲଙ୍ଘନଗୁଡ଼ିକର ଦୃଢ଼ ମୁକାବିଲା କରିବ ।