ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁରସ୍ଥ ଶ୍ରୀରାମନଗରଠାରେ ଅବସ୍ଥାପିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଶିଶୁ ଦିବସ ମହାସାମାରୋହରେ ପାଳିତ ହୋଇଯାଇଛି । ଏହି ଅବସରରେ ଛତ୍ରପୁର ସହରରେ ଘୋଷବାଦ୍ୟ ପରିବେଷଣ ସହ ସହର ପରିକ୍ରମଣ କରି ଦେଶାତ୍ମବୋଧକ ଜନ ଜାଗୃତି ସୃଷ୍ଟି କରାଯାଇଛି । ପଣ୍ଡିତ ଜବାହରଲାଲ ନେହେରୁଙ୍କ ଫୋଟଚିତ୍ରରେ ପୁଷ୍ପ ମାଲ୍ୟାର୍ପଣ ସହିତ ଶ୍ରଦ୍ଧା-ସୁମନ ଅର୍ପଣ କରାଯାଇଛି । ପ୍ରଧାନାଚାର୍ଯ୍ୟ ରବୀନ୍ଦ୍ରନାଥ ଦାଶ ପଣ୍ଡିତ ନେହେରୁଙ୍କ ଜୀବନୀ ଚରିତ୍ର ଆଲୋଚନା କରିଥିଲେ । ଆଚାର୍ଯ୍ୟ କୈଳାସ ଚନ୍ଦ୍ର ଶତପଥି ଶିଶୁ ଦିବସ ପାଳନର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ । ଶିଶୁ ଦିବସ ଅବସରରେ ସ୍ଥାନୀୟ ସହରର ଘୋଷଯାତ୍ରାରେ ଏନ୍.ସି.ସି., ସ୍କାଉଟ ଓ ଗାଇଡସ୍ ପିଲାମାନଙ୍କ ସହିତ ଆଚାର୍ଯ୍ୟ ମନୋରଞ୍ଜନ ଦାଶ, ଅମିତ୍ ତ୍ରିପାଠୀ, ସ୍କାଉଟ ମାଷ୍ଟର ଶିବ ପ୍ରସାଦ ପଟ୍ଟନାୟକ, ଏନ୍.ସି.ସି. ମାଷ୍ଟର ଡି. ଗଣେଶ ରେଡ୍ଡୀ ଓ ଗାଇଡସ୍ ଆଚାର୍ଯ୍ୟା ମମତା ପଟ୍ଟନାୟକ ପ୍ରମୁଖ ଯୋଗଦେଇ ଥିଲେ ।