ସୋନପୁର, (କେପିଏନ୍ଏସ୍) : ସୋନପୁର ଜିଲ୍ଲା ଜୁନିଅର ରେଡ୍କ୍ରସ ଅଫିସର ରବିଚନ୍ଦ୍ର ପଶାୟତ ସଦର ବ୍ଲକ୍ ଅନ୍ତର୍ଗତ ବିଭିନ୍ନ ବିଦ୍ୟାଳୟ ପରିଦର୍ଶନ କରିଛନ୍ତି । ତାଙ୍କର ପରିଦର୍ଶନ ସମୟରେ ପିଲାମାନେ କିପରି ସ୍ୱାସ୍ଥ୍ୟ, ସେବା ଓ ବିଶ୍ଵବନ୍ଧୁତାର ବର୍ତ୍ତା ବାହାକ ହୋଇ ସମାଜରେ ମାନବୀୟ ସେବା ପ୍ରଦାନ କରିବେ ସେ ବିଷୟରେ ମାର୍ଗଦର୍ଶନ କରିଥିଲେ । ସ୍କୁଲର ଷଷ୍ଠରୁ ଦଶମ ଶ୍ରେଣୀ ପର୍ଯ୍ୟନ୍ତ ପାଠ ପଢ଼ିଥିବା ସମସ୍ତ ଛାତ୍ରଛାତ୍ରୀ ଜୁନିଅର ରେଡକ୍ରସ୍ରେ ଯୋଗଦେବାକୁ ଆହ୍ଵାନ କରିଥିଲେ । କାର୍ଯ୍ୟକ୍ରମରେ ବିସିସି ଗୋପେଶ ପଣ୍ଡା, ପରାମର୍ଶଦାତା ବ୍ରତାନଦ ଭୋଇ, ହେମନ୍ତ ମେହେର, ସାଧନ କର୍ମୀ ଚନ୍ଦ୍ରଶେଖର ମହାପାତ୍ର ପ୍ରମୁଖ ସହଯୋଗ କରିଥିଲେ । ପରିଦର୍ଶନ କରାଯାଇଥିବା ବିଦ୍ୟାଳୟ ଗୁଡ଼ିକ ହେଲା ଆଦର୍ଶ ଉଚ୍ଚ ପ୍ରାଥମିକ ବିଦ୍ୟାଳୟ ସୋନପୁର, ବାବୁପାଲି ଉଚ୍ଚ ପ୍ରାଥମିକ ବିଦ୍ୟାଳୟ, ପ୍ରତାପପୁର ଉଚ୍ଚ ପ୍ରାଥମିକ ବିଦ୍ୟାଳୟ, ଆଦର୍ଶ ବିଦ୍ୟାଳୟ ପିପିଲିପାଲି, ଜୟ ଜଗନ୍ନାଥ ଉଚ୍ଚ ବିଦ୍ୟାଳୟ ଖରଜୁରା । ବିଦ୍ୟାଳୟର ପ୍ରଧାନ ଶିକ୍ଷକ ମାନଙ୍କ ସହିତ ଆଲୋଚନା କରି ଜୁନିଅର ରେଡକ୍ରସ କାର୍ଯ୍ୟକ୍ରମକୁ କିପରି ତ୍ଵରାନ୍ଵିତ କରାଯାଇ ପାରିବ ସେହି ବିଷୟରେ ପରାମର୍ଶ ପ୍ରଦାନ କରିଥିଲେ ।