ବଲାଙ୍ଗିର, (କେପିଏନ୍ଏସ୍) : ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ତଥା ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ଅସିତ ତ୍ରିପାଠୀ ବଲାଙ୍ଗିର ଗସ୍ତରେ ଆସିଥିବା ବେଳେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି । ଏହି କ୍ରମରେ ଆଜି ଅପରାହ୍ନରେ ସ୍ଥାନୀୟ ରାଜୀବନଗର ସ୍ଥିତ ଦେବଶ୍ରୀ ଟ୍ରେଡର୍ସ ପରିଦର୍ଶନ କରିଛନ୍ତି । ତାଙ୍କ ସହ ଜିଲ୍ଲାପାଳ ଚଞ୍ଚଳ ରାଣା, ଏସ୍ପି ନୀତିନ କୁଶଲକର, ଜିଲ୍ଲାସ୍ତରୀୟ ଅନ୍ୟ ଅଧିକାରୀ ମାନେ ଓ ଦେବଶ୍ରୀ ଟ୍ରେଡର୍ସର ଅନ୍ୟତମ ପରିଚାଳକ ପ୍ରସନ୍ନ କୁମାର ଗିରିଙ୍କ ସହ ପ୍ରେସ କର୍ମଚାରୀ ମାନେ ଉପସ୍ଥିତ ଥିଲେ । ସୂଚନାଯୋଗ୍ୟ ଯେ, ଦେବଶ୍ରୀ ଟେଡର୍ସ ମୁଦ୍ରଣ କାର୍ଯ୍ୟରେ ଏବେ ସାରା ଓଡିଶାରେ ଏକ ସଫଳ ଅନୁଷ୍ଠାନ ଭାବେ ପରିଚୟ ସୃଷ୍ଟି କରିପାରିଥିବା ବେଳେ ବଲାଙ୍ଗିର ମାଟି ପାଇଁ ଗର୍ବ ଏବଂ ଗୌରବ ଆଣି ଦେଇଛି ।
