କଟକ : କଟକ ଜିଲ୍ଲା ବାରଙ୍ଗ ବ୍ଲକ ଅଧୀନ କୁରୁଣ୍ଟି ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଗତକାଲି ବିଳମ୍ବିତ ରାତିରେ କିଛି ଦୁର୍ବୃତ୍ତ ଲୋକ ମାନେ ଶୋଇଥିବା ଅବସ୍ଥାରେ ଘରେ ପେଟ୍ରୋଲ ପକାଇ ନିଆଁ ଲଗାଇ ଦେଇଥିଲେ । ଯାହାଫଳରେ କିଛି ଘର ପୋଡି ଯାଇଥିବା ବେଳେ ଖାଦ୍ୟ, ବସ୍ତ୍ର ଓ ପିଲାମାନଙ୍କର ପାଠ ପଢିବା ସାମଗ୍ରୀ ମଧ୍ୟ ପୋଡ଼ିଯାଇଛି । ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ପୀଡ଼ିତ ପରିବାରଙ୍କ କହିବା ଅନୁଯାୟୀ ପ୍ରାୟ ୭୦ରୁ ୮୦ ବର୍ଷ ହେବ ଓଡ଼ିଶା ସରକାରଙ୍କ ପକ୍ଷରୁ ଭୂଦାନ ଆକାରରେ ମିଳିଥିବା ଜମି ଉପରେ ଚାଷବାସ କରିବା ସହ ଘର କରି ରହିଆସୁଛନ୍ତି । ତେବେ କିଛି ଦିନ ହେବ କୌଣସି ଏକ ବିଲଡର ଆସି ଲୋଭରେ ପଡ଼ି ସେହି ଜମିକୁ ହଡପ କରିବାକୁ ବସିଛି । ଗ୍ରାମବାସୀ ମାନଙ୍କୁ ମିଳିଥିବା ଭୂଦାନ ସମ୍ପତି ବା ତାଙ୍କର ଭିଟାମାଟିକୁ ଗ୍ରାମବାସୀ ମାନେ ଛାଡିବା ପାଇଁ ନାରାଜ ହେବାରୁ ଏହିପରି ଅଭାବନୀୟ ଘଟଣା ଦେଖିବାକୁ ମିଳୁଛି ବୋଲି ପୀଡ଼ିତ ପରିବାର କହିଛନ୍ତି ।