ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଟେମରୀ ପଞ୍ଚାୟତ ଧାନ୍ଦୁପାଲି ଗାଁରେ ବଣୁଆ ହାତୀ ଆକ୍ରମଣରେ ପ୍ରାଣ ହରାଇଥିବା ଦମ୍ପତିଙ୍କ ପରିବାରକୁ ପାଇକମାଳ ଜୟ କିଶାନ ଆନ୍ଦୋଳନ ସଂଘ ଭେଟି ପରିବାରଙ୍କୁ ସମବେଦନା ଜଣାଇ ଶିଘ୍ର ସରକାରୀ ସହାୟତା ଯୋଗାଇଦେବାକୁ ଦାବି ଜଣାଇଛନ୍ତି । ଗ୍ରାମବାସୀ ଓ ସଂଘ ମିଳିତ ଭାବରେ ଏକ ସଭା କରି ଏକ ପ୍ରତିନିଧି ମଣ୍ଡଳୀ ବିଭିନ୍ନ ଗାଁକୁ ଯାଇ ବଣୁଆ ହାତୀ ବିଷୟରେ ଗ୍ରାମବାସୀଙ୍କୁ ସହିତ ଆଲୋଚନା କରି ଏକ ପ୍ରତିନିଧି ମଣ୍ଡଳୀ ବରଗଡ଼ ଜିଲ୍ଲାପାଳଙ୍କୁ ସାକ୍ଷାତ କରିବା ପାଇଁଁ ସ୍ଥିର ହୋଇଛି । ପ୍ରକାଶ ଥାଉ କି ଗତ ମଙ୍ଗଳବାର ରାତ୍ରରେ ନିଜ କ୍ଷେତରେ ଥିବା ଘରେ ବଳରାମ ରଣା ଓ ତାଙ୍କ ପତ୍ନୀ ଶଶୀ ରଣା ଶୋଇ ଥିବାବେଳେ ବଣୁଆ ହାତୀ ଆସି ମାରି ଦେଇ ଥିଲା, ମୃତ ଦମ୍ପତି ପରିବାରକୁ ଯଥାଶୀଘ୍ର ସରକାରୀ ସହାୟତା ଯୋଗାଇଦେବାକୁ ସରକାରଙ୍କୁ ଦାବି କରିଛନ୍ତି । ଏଥିରେ ଗ୍ରାମବାସୀ ସମେତ ପାଇକମାଳ ଜୟ କିଶାନ ଆନ୍ଦୋଳନ ସଭାପତି ବିଶ୍ୱନାଥ ରଣା, ସାଧାରଣ ସଂପାଦକ ବାଳକୃଷ୍ଣ ବନଛୋର, ପିତାମ୍ବର ସାହୁ ପ୍ରମୁଖ ଉପସ୍ଥିତ ଥିଲେ ।
