ଛତ୍ରପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁରସ୍ଥ ରାସ୍ତା ଓ କୋଠାବାଡ଼ି ବିଭାଗରେ ଅବସ୍ଥାପିତ ଏସଡ଼ିଓ ଇଂଜିନିଅର ଟି.ଲୋକେଶ୍ୱର ରାଓ କୋରନାରେ ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ । ତାଙ୍କ ମୃତ୍ୟୁ ହୋଇଥିବା ଖବର ମିଳିଛି । ଜିଲ୍ଲା ଦପ୍ତରାଞ୍ଚଳରେ ତାଙ୍କ ବିୟୋଗରେ ଗଭୀର ଶୋକର ଛାୟା ଖେଳିଯାଇଛି । ଏହି ଶୋକ ସମ୍ବାଦ ଶୁଣି ଜିଲ୍ଲା ହେଡକ୍ୱାର୍ଟରରେ ସମସ୍ତେ ସ୍ତବ୍ଧ ହୋଇଯାଇଛନ୍ତି । ସେ ଜଣେ ନୀତିନିଷ୍ଠ, କର୍ତ୍ତବ୍ୟନିଷ୍ଠ ଅଧିକାରୀ ଭାବେ ବେଶ ଖ୍ୟାତି ଅର୍ଜନ କରିଥିଲେ । ବିଭିନ୍ନ ସରକାରୀ କାର୍ଯ୍ୟାଳୟରେ ତାଙ୍କ ସଦଗତି ନିମନ୍ତେ ଶୋକସଭା ପାଳନ କରାଯାଇଛି ।