ପରଲୋକରେ ସୂର୍ଯ୍ୟ କୁମାର ନନ୍ଦ

ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ କଟାବାହାଲ ଗ୍ରାମପଞ୍ଚାୟତ ଅନ୍ତର୍ଗତ କୁଲିଆରୀ ଗ୍ରାମର ସୂର୍ଯ୍ୟ ନନ୍ଦ(୬୦) ଆକସ୍ମିକ ମୃତ୍ୟୁ ବରଣ କରିଛନ୍ତି । ସୂର୍ଯ୍ୟ ମଙ୍ଗଳବାର ରାତି ୧ଟା ସମୟରେ ବରଗଡ଼ ବିକାଶ ହସ୍ପିଟାଲରେ ପ୍ରାଣତ୍ୟାଗ କରିଥିଲେ । ଦୀର୍ଘ ଦିନରୁ ସେ କିଡ୍‌ନୀ ରୋଗରେ ପୀଡ଼ିତ ଥିଲେ । ସେ ଜଣେ ପରୋପକାରୀ, ଧର୍ମପରାୟଣ ଓ ଅମାୟିକ ବ୍ୟକ୍ତିତ୍ୱ ଭାବରେ ଅଞ୍ଚଳବାସୀଙ୍କ ପ୍ରିୟପାତ୍ର ଥିଲେ । ସୂର୍ଯ୍ୟ ଦୀର୍ଘ ୧୦ ବର୍ଷ ହେବ ପଦମପୁର ରାଧାକୃଷ୍ଣ ମନ୍ଦିର ଓ ଲକ୍ଷ୍ମୀନାରାୟଣ ମନ୍ଦିରର ପୂଜକ ଭାବରେ କାର୍ଯ୍ୟ କରୁଥିବାରୁ ତାଙ୍କ ମୃତ୍ୟୁ ଖବର ପାଇ ପଦ୍ମପୁର ସ୍ଥିତ ବାସଭବନରେ ପଦ୍ମପୁର ବ୍ରାହ୍ମଣ ସମାଜ ସଭାପତି ଜୟ ନାରାୟଣ ତ୍ରିପାଠୀ ଏବଂ ଶାନ୍ତନୁ ପାଣିଗ୍ରାହୀ ଓ ଶାନ୍ତିନଗର ପଡାବାସୀ, ରାଧାମାଧବ ସମିତିର ସମସ୍ତ ସଦସ୍ୟ ଉପସ୍ଥିତ ରହି ତାଙ୍କର ଶେଷଦର୍ଶନ କରି ଗଭୀର ଶୋକ ବ୍ୟକ୍ତ କରିବା ସହିତ ତାଙ୍କ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ପରେ ତାଙ୍କ ମର ଶରୀରକୁ ନିଜ ଜନ୍ମ ମାଟି କୁଲିଆରୀ ଗ୍ରାମକୁ ଅଣାଯାଇଥିଲା ସେଠାରେ ତାଙ୍କର ବନ୍ଧୁ ବର୍ଗ ଏବଂ ଗ୍ରାମବାସୀ ତାଙ୍କର ଶେଷଦର୍ଶନ କରିସାରିବା ପରେ ଗ୍ରାମ ଶ୍ମଶାନରେ ଅନ୍ତିମ ସଂସ୍କାର କରିଥିବା ବେଳେ ଜୈଷ୍ଠ ପୁତ୍ର ଉଦିତନାରାୟଣ ନନ୍ଦ ମୁଖାଗ୍ନି ଦେଇଥିଲେ ।