ପାଟନା : ଭଜନ ସମ୍ରାଟ ଭାବେ ପରିଚିତ ହିନ୍ଦୀ ଗାୟକ ନରେନ୍ଦ୍ର ଚଞ୍ଚଲଙ୍କ ପରଲୋକ ଘଟିଛି । ଶୁକ୍ରବାର ଅପରାହ୍ନରେ ଚଞ୍ଚଲ ବିହାର ସ୍ଥିତ ଘରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୮୦ ବର୍ଷ ବୟସ ହୋଇଥିଲା । ସେ ଦୀର୍ଘଦିନ ହେବ ଅସୁସ୍ଥ ଥିଲେ । ନରେନ୍ଦ୍ର ଦୁନିଆକୁ ଅଲବିଦା କହିଥିଲେ ମଧ୍ୟ ତାଙ୍କ ଦ୍ୱାରା ଗାନ ଭଜନ ତାଙ୍କ ସ୍ମୁତିକୁ ସର୍ବଦା ଜୀବନ୍ତ ରଖିଥିବ । ତାଙ୍କ ନିଧନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରିଛନ୍ତି । ପ୍ରଧାନମନ୍ତ୍ରୀ ଟ୍ୱିଟ୍କରି ଲେଖିଛନ୍ତି, ଲୋକପ୍ରିୟ ଭଜନ ଗାୟକ ନରେନ୍ଦ୍ର ଚଞ୍ଚଲଙ୍କ ନିଧନ ସମାଚାରରେ ଅତ୍ୟନ୍ତ ଦୁଃଖ ଲାଗିଲା । ସେ ଭଜନ ଗାଇ ଦୁନିଆରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଶୋକର ଏହି ଘଡିରେ ମୋର ସମବେଦନା ତାଙ୍କ ପରିଜନ ଏବଂ ପ୍ରଶଂସକଙ୍କ ସହିତ ରହିଛି । ଓମ ଶାନ୍ତି !
