ପଦ୍ମପୁର, (ନିରୋଜ କୁମାର ପାଣୀ) : ସମଗ୍ର ବରଗଡ଼ ଜିଲ୍ଲା ତଥା ପଦ୍ମପୁର ସହରର ଜଣାଶୁଣା ବ୍ୟକ୍ତିତ୍ଵ, ଅବସରପ୍ରାପ୍ତ ପ୍ରାଧ୍ୟାପକ, ବିଶିଷ୍ଟ ସାମାଜିକ କର୍ମୀ, କିରନ୍ ଫାଉଣ୍ଡେସନ, ଜିଷ୍ଟ ଶିକ୍ଷାନୁଷ୍ଠାନ, ଜୟଦେବ ଶିକ୍ଷାନୁଷ୍ଠାନ ଆଦିର ପ୍ରତିଷ୍ଠାତା, ଦକ୍ଷ ସଂଗଠକ କୃଷ୍ଣମୋହନ ପଣ୍ଡାଙ୍କ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୬୦ ବର୍ଷ ବୟସ ହେଉଥିଲା । କିଛି ଦିନ ହେବ ସେ ଅସୁସ୍ଥ ଥିବା ବେଳେ ବିଳାସପୁରଠାରେ ଏକ ଘରୋଇ ହସ୍ପିଟାଲରେ ଚିକତ୍ସିତ ହେଉଥିଲେ । କିନ୍ତୁ ତାଙ୍କ ଅବସ୍ଥା ଗୁରୁତର ହେବାରୁ ମଙ୍ଗଳବାର ରାତି ପ୍ରାୟ ୮ଟାରେ ତାଙ୍କ ପ୍ରାଣବାୟୁ ଉଡ଼ିଯାଇଥିଲା । ଘଟଣା ପ୍ରଚାରିତ ହେବା ପରେ ସମଗ୍ର ସହରରେ ଶୋକର ଛାଇ ଖେଳି ଯାଇଥିଲା । ଆଜି ବୁଧବାର ସକାଳେ ରଜାପଡ଼ା ସ୍ବର୍ଗ ଦ୍ଵାରରେ ଶେଷକୃତ୍ୟ ସଂପନ୍ନ କରାଯାଇଥିଲା । ମୃତ୍ୟୁ ପଛକୁ ପତ୍ନୀ କିରଣ, ଦୁଇ ଝିଅ ମେଘା ଓ ଆଁଚଲ, ଭାଇ ଦୀନବନ୍ଧୁ, ପ୍ରଦୀପ, ପ୍ରମୋଦଙ୍କ ସମେତ ପରିବାର ବର୍ଗ, ଆତ୍ମୀୟ ସ୍ୱଜନ, ବନ୍ଧୁ ବାନ୍ଧବ ପ୍ରମୁଖ ଉପସ୍ଥିତ ଥିଲେ । ବିଭିନ୍ନ ଅନୁଷ୍ଠାନର ପ୍ରତିନିଧି, ଛାତ୍ରଛାତ୍ରୀ, ବହୁ ଗଣ୍ୟମାନ୍ୟ ବ୍ୟକ୍ତି ତାଙ୍କ ଶେଷ ଦର୍ଶନ କରି ଶବ ଧାରରେ ସାମିଲ ହୋଇଥିଲେ ।