ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁରର ବରିଷ୍ଠ ରାଜନେତା ପୂର୍ବତନ ବିଧାୟକ ତଥା ଗଞ୍ଜାମ ଜିଲ୍ଲାର ବିଜେଡି ସଭାପତି ଏବଂ ରାଜ୍ୟ ଯୋଜନାବୋର୍ଡ଼ ସଦସ୍ୟ ଡ଼ା. ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକଙ୍କ ପତ୍ନୀ ବିଜୟଲକ୍ଷ୍ମୀ ଚ୍ୟାଉ ପଟ୍ଟନାୟକଙ୍କ ୭୫ ବର୍ଷ ବୟସରେ ପରଲୋକ ହୋଇଯାଇଛି । ସୂଚନାଯୋଗ୍ୟ ଯେ, ଭୁବନେଶ୍ୱର ସ୍ଥିତ ଅପୋଲୋ ହସପିଟାଲରେ ଚିକିତ୍ସାଧୀନ ଅବସ୍ଥାରେ ଗତକାଲି ତାଙ୍କର ପରଲୋକ ହୋଇଥିବା କୁହାଯାଏ । ତାଙ୍କର ମରଶରୀର ଭୁବନେଶ୍ୱରରୁ ବ୍ରହ୍ମପୁରର ଭାବାନଗର ବାସଭବନକୁ ଅଣାଯାଇଛି । ଏଠି ସର୍ବସାଧାରଣଙ୍କ ଶେଷ ଦର୍ଶନ ନିମନ୍ତେ ଆଜି ଗୋଟିଏ ଦିନ ରଖାଯିବ । ମଙ୍ଗଳବାର ସ୍ୱର୍ଗତ ପଟ୍ଟନାୟକଙ୍କ ସ୍ୱର୍ଗଦ୍ୱାର ପୁରୀରେ ଅନ୍ତେଷ୍ଟିକ୍ରିୟା ହେବାର ସୂଚନା ରହିଛି । ତାହାଙ୍କ ବିୟୋଗରେ ବ୍ରହ୍ମପୁର ସହରର ବିଜେଡ଼ି ଦଳୀୟ ମହଲରେ ଏବଂ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ବିଭିନ୍ନ ମହଲରେ ତାହାଙ୍କ ବିୟୋଗରେ ବିଭିନ୍ନ ସ୍ଥାନରେ ଶୋକସଭା କରାଯାଇ ଗଭୀର ଶୋକବ୍ୟକ୍ତ କରାଯାଇଛି ।