ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ ଅନ୍ତର୍ଗତ ଟାଲ ଗ୍ରାମର ମହେନ୍ଦ୍ର ବଢେଇ ଆଉ ଆମ ଗହଣରେ ନାହାନ୍ତି । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଅକାଳ ବିୟୋଗ ହୋଇଛି । ସ୍ବର୍ଗତ ବଢେଇ ଲୋକଙ୍କ ସେବା କରିବା ପାଇଁ ଓଡିଶା ପ୍ରଶାସନିକ ସେବା ପଦବୀରୁ ଇସ୍ତଫା ଦେଇଥିଲେ ଓ ପଦ୍ମପୁର ଅଞ୍ଚଳରେ ବିଜେଡିର ଜଣେ ଉତ୍ସର୍ଗୀକୃତ କର୍ମୀ ଭାବରେ ଲୋକଙ୍କ ସେବା କରି ଆସୁଥିଲେ । ସେ ଓଡିଶା ପଣ୍ୟାଗାରର ନିଗମ ଅଧ୍ୟକ୍ଷ ତଥା ବିଜେଡି ଦଳର ମୁଖପାତ୍ର ଥିଲେ । ତାଙ୍କ ବିୟୋଗରେ ଭଟଲି ବିଧାୟକ ସୁଶାନ୍ତ ସିଂ, ବରଗଡ଼ ବିଧାୟକ ଦେବେଶ ଆଚାର୍ଯ୍ୟ, ପ୍ରସନ୍ନ ଆଚାର୍ଯ୍ୟ ପ୍ରମୁଖ ଶୋକ ବ୍ୟକ୍ତ କରି ତାଙ୍କ ଅବର୍ତ୍ତ ମାନରେ ଏକ ଶୂନ୍ୟ ସ୍ଥାନ ସୃଷ୍ଟି ହୋଇଛି । ଦଳ ଏକ ଶୃଙ୍ଖଳିତ ସଦସ୍ୟଙ୍କୁ ହରାଇଲା । ତାଙ୍କ ଅମର ଆତ୍ମାର ସଦ୍ଗତି ନିମନ୍ତେ ଭଗବାନଙ୍କ ନିକଟରେ ପ୍ରାର୍ଥନା କରୁଛି ଏବଂ ତାଙ୍କ ଶୋକ ସନ୍ତପ୍ତ ପରିବାର ପ୍ରତି ସମବେଦନା ଜ୍ଞାପନ କରିଛନ୍ତି ।