ମେଣ୍ଡା, (କେପିଏନ୍ଏସ୍) : ମହର୍ଷି ବୁଦ୍ଧରାମ ମହାବିଦ୍ୟାଳୟ, ମେଣ୍ଡାର ପରିଚାଳନା କମିଟିର ପୂର୍ବତନ ସଭାପତି ଶିବପ୍ରସାଦ ପର୍ଡିଆଙ୍କର ୧୦୨ ବର୍ଷ ବୟସରେ ତାଙ୍କ ମେଣ୍ଡା ପର୍ଡିଆପଡା ବାସଭବନରେ ଆଜି ପରଲୋକ ହୋଇଯାଇଛି । ତାଙ୍କ ବିୟୋଗରେ ମେଣ୍ଡା ଅଞ୍ଚଳରେ ଶୋକର ଛାୟା ଖେଳିଯାଇଛି । କଲେଜର ପ୍ରତିଷ୍ଠାରେ ତାଙ୍କର ବିଶେଷ ଯୋଗଦାନ ରହିବା ସହ ସେ କଲେଜକୁ ଆବଶ୍ୟକ ଜମି ଦାନ କରିଥିଲେ । ଦୀର୍ଘଦିନ ହେବ ସେ ଅସୁସ୍ଥ ଥିଲେ । ଆଜି ଦିନ ୧ଟାରେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟ ବେଳକୁ ତାଙ୍କ ୪ପୁଅ ଲକ୍ଷ୍ମୀନ୍ଦ୍ର, ଗଜେନ୍ଦ୍ର, ସୁରେନ୍ଦ୍ର, ନରେନ୍ଦ୍ର, ଝିଅମାନେ ଓ ନାତି ନାତୁଣି ଉପସ୍ଥିତ ଥିଲେ । ରାଜୁଡା ଅମଳରୁ ତାଙ୍କ ଅଧିନରେ ରହି ଆସିଥିବା ମେଣ୍ଡା ଖମାର ଜମିରେ ତାଙ୍କ ଶେଷକୃତ୍ୟ ସଂମ୍ପନ୍ନ ହୋଇଥିଲା । ଜ୍ୟେଷ୍ଠପୁତ୍ର ମେଣ୍ଡା ପଞ୍ଚାୟତର ପୂର୍ବତନ ସରପଞ୍ଚ ଲକ୍ଷ୍ମୀନ୍ଦ୍ର ପର୍ଡିଆ ମୁଖାଗ୍ନୀ ଦେଇଥିଲେ ।