ବଲାଙ୍ଗିର, (କେପିଏନ୍ଏସ୍) : ଭାରସାମ୍ୟ ହରାଇ ପୋଖରୀ ଭିତରକୁ ପଶି ଯାଇଛି ଏକ ଗଞ୍ଜେଇ ଲୋଡ ହୋଇଥିବା କାର୍ । ଏଭଳି ଏକ ଖବର ଆଜି ବଲାଙ୍ଗିର ସହରରେ ଚର୍ଚ୍ଚାର ବିଷୟ ପାଲଟିଛି । ବଲାଙ୍ଗିର ଜିଲ୍ଲା ପୁଇଁତଲା ଥାନା ଅନ୍ତର୍ଗତ କୁରୁଲରୁ ଭାଲେର୍ ଯାଇଥିବା ବାଏପାସ୍ ରାସ୍ତାରେ ପୋଖରୀ ଭିତରକୁ ଏକ ମାରୁତି ସୁଜୁକି କାର୍ ଓଡ଼ି ୨୫୯୦୯୯ ପଶି ଯାଇ ପାଣି ଭିତରେ ଭାସୁଥିବା ଦେଖିବାକୁ ମିଳିଛି । ଘଟଣା ସ୍ଥଳରେ ପୁଇଁତଲା ଥାନା ଆଇଆଇସି ଶୁଭରାଜ ଧରୁଆ ନିଜ ପୋଲିସ ଟିମ୍ ସହ ସଦଳବଳେ ଉପସ୍ଥିତ ରହିଛନ୍ତି । ଏହି ଗାଡ଼ିଟି କେମିତି ପଖୋରୀ ଭିତରକୁ ପଶିଲା, ଗାଡ଼ି ଦୁର୍ଘଟଣାର ସମ୍ମୁଖୀନ ହୋଇଛି ନା ଅନ୍ୟ କିଛି କାରଣ ରହିଛି, ଏଭଳି ଅନେକ ପ୍ରଶ୍ନ ସାଧାରଣରେ ସୃଷ୍ଠି ହୋଇଛି । ଅନ୍ୟପଟେ କାର୍ରେ ବସିଥିବା ଆରୋହୀମାନେ ଫେରାର୍ ହୋଇଯାଇଛନ୍ତି । ଗାଡ଼ିରେ ଗଞ୍ଜେଇ ଲୋଡ ହୋଇଛି । ଗଞ୍ଜେଇ ବୋଝେଇ କାର ଦୁର୍ଘଟଣା ଗ୍ରସ୍ତ ହୋଇ ପୋଖରୀ ଭିତରକୁ ପଶି ଯାଇଛି । ପୁଇଁତଲା ଥାନା ପୋଲିସ କ୍ରେନ୍ ସାହାଯ୍ୟରେ କାର୍ଟିକୁ ଉଦ୍ଧାର କରିଥିବା ଦେଖିବାକୁ ମିଳିଛି । ତେବେ ଗାଡିରୁ ୩୦ କେଜି ଗଞ୍ଜେଇ ଉଦ୍ଧାର କରିଛି ପୋଲିସ ।
