ପଦ୍ମପୁର, (ନିରୋଜ କୁମାର ପାଣୀ) : ଅଗଷ୍ଟ ୧ ତାରିଖ ଦିନରେ, ସିରଜିନା ସାହିତ୍ୟ ସଂସଦ ପଦ୍ମପୁର, ସମ୍ବଲପୁରୀ ଦିନ ପଦ୍ମପୁର ସ୍ଥିତ ଟାଉନ୍ ହଲ୍ରେ ବିଶେଷ ଉତ୍ସାହର ସହ ପାଳନ କରିଥିଲା । ଏହି ଅବସରରେ ସମ୍ପାଦକ ରାଜେନ୍ଦ୍ର ମହାନ୍ତି, ସଭାପତି ରାଜୁ ଘିବେଲା, ଡ. ପ୍ରମୋଦ ପାଢୀ, ନାଟ୍ୟକାର ଅଶୋକ ବହିଦାର, କଣ୍ଠଶିଳ୍ପୀ ଦୁଃଖିଶ୍ୟାମ ତ୍ରିପାଠୀ ଓ ବିଭୁତି ପଟନାୟକ, କବି ଅଧିକାରୀ ସା, ରମଣୀରଞ୍ଜନ ବିଶ୍ୱଲ, ଭୀଷ୍ମଦେବ ସାହୂ, ଅବନିକାନ୍ତ ସାହୁ, ଆଖଣ୍ତଳ ଦାସ, ନରୋତ୍ତମ ଦାସ, ସ୍ୱର୍ଗତ ମନରଞ୍ଜନ ସାହୁ, ଯୁବ କବି ପୌଲସ୍ତି ସାହା, ଗାଳ୍ପିକ ଶୁଶ୍ରୀ ଜିତେଶ୍ୱରୀ, ପ୍ରଭାତ ସାହୁ ଉପସ୍ଥିତ ଥିଲେ । ଏହି ଅନୁଷ୍ଠାନରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବା ସହିତ, ସମ୍ବଲପୁରୀ ସାହିତ୍ୟ, ସଂସ୍କୃତି, ସଂଗୀତ ଓ କଳାର ପ୍ରସାର ଓ ସଂରକ୍ଷଣ ଉପରେ ଆଲୋଚନା କରାଯାଇଥିଲା । ସାମାଜିକ, ସାହିତ୍ୟ ଓ ସଂସ୍କୃତିକ ମଣ୍ଡଳର ବିଭିନ୍ନ ବ୍ୟକ୍ତିତ୍ୱ ତାଙ୍କର ଅଭିଭାଷଣରେ ସମ୍ବଲପୁରୀ ସଂସ୍କୃତିର ଗୌରବ ବିଷୟରେ ଉଲ୍ଲେଖ କରିଥିଲେ ଓ ସମ୍ବଲପୁରୀ ସଂସ୍କୃତିକ ଅବଦାନର ସ୍ମୃତିରେ ସମ୍ମାନ ଦେଇଥିଲେ । ଏହି ଅବସରରେ ସଂଗୀତ ଓ କବିତାର ପାଠ କରାଯାଇଥିଲା । ଯାହା ଉପସ୍ଥିତ ଦର୍ଶକଙ୍କ ମନକୁ ବେଶ ଆନନ୍ଦ ଓ ପ୍ରେରଣା ଦେଇଥିଲା । ନାଟ୍ୟାନୁଷ୍ଠାନର ମାଧ୍ୟମରେ ସମ୍ବଲପୁରୀ ଜୀବନର ଦୃଶ୍ୟମାନ ଓ ଅଦୃଶ୍ୟ ଦିଗକୁ ପ୍ରଦର୍ଶିତ କରାଯାଇଥିଲା । ଏହି ଆୟୋଜନ ସମ୍ବଲପୁରୀ ସଂସ୍କୃତିର ପ୍ରତି ଲୋକଙ୍କର ଆଗ୍ରହ ବୃଦ୍ଧି କରିବା ଏବଂ ଏହି ସଂସ୍କୃତିକୁ ଆଗକୁ ବଢ଼ାଇବାରେ ଏକ ଦୂର୍ଦାନ୍ତ ପଦକ୍ଷେପ ଭାବେ ପରିଣତ ହୋଇଛି ।