ଟିଟିଲାଗଡ, (ଗୌରବ ଦର୍ଜୀ) : ଆଜି ଟିଟିଲାଗଡରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୫ ତମ ଜନ୍ମ ଜୟନ୍ତୀ ସମାରୋହ ଓ ପଞ୍ଚାୟତିରାଜ ଦିବସ ପାଳିତ ହୋଇଯାଇଛି । ଏହି ଅବସରରେ ଓଡ଼ିଶା ରାଜ୍ୟ ସରକାରଙ୍କ ମହିଳା ଓ ଶିଶୁ ବିକାଶ ମନ୍ତ୍ରୀ ତଥା ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ଟିଟିଲାଗଡ ସହରର ଥାନା ସମ୍ମୁଖରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ଏହା ସହ ଟିଟିଲାଗଡ ଉପଖଣ୍ଡ ସରକାରୀ ଡାକ୍ତରଖାନାରେ ରୋଗୀ ମାନଙ୍କୁ ଫଳ ବଣ୍ଟନ କରିଥିଲେ । ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ଗୋବିନ୍ଦ ବାଟିକାରେ ଏକ ସଭା ଆୟୋଜନ କରାଯାଇଥିଲା। ସେଠାରେ ମନ୍ତ୍ରୀ ଶ୍ରୀମତୀ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ । ଟିଟିଲାଗଡ ନିର୍ବାଚନ ମଣ୍ଡଳୀର ସମସ୍ତ ବ୍ଲକ ଓ ଗ୍ରାମ ପଞ୍ଚାୟତର ବିଜୁ ଜନତା ଦଳର ସଦସ୍ୟ ମଞ୍ଚାସୀନ ଥିଲେ । ବିଜୁ ଜନତା ଦଳର ବରିଷ୍ଠ ସଦସ୍ୟ ପ୍ରମୋଦ ସରାଫ ସଭା କାର୍ୟ୍ୟ ପରିଚାଳନା କରିଥିଲେ । ଏହି ସଭାରେ ମନ୍ତ୍ରୀ ଟୁକୁନି ସାହୁ ଙ୍କ ସହ ଗୀତ ବିଶି, ରାଜକିଶୋର ଡ଼ାଙ୍ଗ, ଯାଜ୍ଞସିନୀ ରାଜପାରିଆ, ବୀରବର ସାହୁ, ହରି ନାରାୟଣ ମିଶ୍ର, ଗୋବର୍ଦ୍ଧନ ନାଗ, ମୈତ୍ରୀ ସାହୁ, ଘିନୁ ଆଡଯୁଆଡ , ଶ୍ୟାମ ଗରିଆ, ରମାକାନ୍ତି ପଟେଲ ଆଦି ଅଭିଭାଷଣ ପ୍ରଦାନ କରିଥିଲେ। ପ୍ରବାଦ ପୁରୁଷ ତଥା ଭୂମିପୁତ୍ର ବିଜୁ ବାବୁଙ୍କୁ ସ୍ମରଣ କରି ତାଙ୍କ କୃତିତ୍ୱ ଗୁଡିକ ବଖାଣିବା ସହ ବିଜୁ ଜନତା ଦଳର ପ୍ରତିଷ୍ଠାତା ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ୟ୍ୟ ଶୈଳୀ ଓ ଟିଟିଲାଗଡ ନିର୍ବାଚନ ପାଇଁ କରିଥିବା ବିକାଶ କାର୍ୟ୍ୟ ଉପରେ ଆଲୋକପାତ କରିଥିଲେ । ଏହି କାର୍ୟ୍ୟକ୍ରମରେ ଶହ ଶହ ବିଜୁ ଜନତା ଦଳର କର୍ମକର୍ତ୍ତା ମାନେ ଯୋଗ ଦେଇ କାର୍ୟ୍ୟକ୍ରମକୁ ସଫଳ କରିଥିଲେ ।