ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ଗାନ୍ଧୀନଗରପଡ଼ାର ଗାନ୍ଧିଜୀ କ୍ଲବ ପରିସରରେ ଆଜି ଗାନ୍ଧୀ ଜୟନ୍ତୀ ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି । ଉଭୟ ମହାପୁରୁଷ ଫଟୋ ଚିତ୍ରରେ ସଭାପତି ରାମଚନ୍ଦ୍ର ପୁରୋହିତ ଏବଂ ସଂପାଦକ କିଶୋର ମୋହନ ମିଶ୍ର ପୁଷ୍ପମାଲ୍ୟ ଅର୍ପଣ କରିଥିଲେ । ଗାନ୍ଧିଜୀଙ୍କ ଜୀବନାଦର୍ଶ ସଂପର୍କରେ ସଭାପତି ଶ୍ରୀ ପୁରୋହିତ ଏକ ସଂକ୍ଷିପ୍ତ ଅଭିଭାଷଣ ପ୍ରଦାନ କରିଥିଲେ । ଏହାପରେ ଗାନ୍ଧୀଙ୍କ ପ୍ରତିମୂର୍ତ୍ତିରେ କ୍ଲବ ସଦସ୍ୟମାନେ ପୁଷ୍ପ ପ୍ରଦାନ କରି ଶ୍ରଦ୍ଧାଂଜଳି ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ସଭାପତି ଓ ସଂପାଦକଙ୍କ ସହ ଯୁଗ୍ମ ସଂପାଦକ ସରୋଜ ଚୋପଦାର, ବରିଷ୍ଠ ଆଇନଜୀବୀ ଜୟରାମ ମିଶ୍ର, ଶିବ ପ୍ରସାଦ ଦତ୍ତ, ଶାନ୍ତନୁ କୁମାର ମିଶ୍ର, ପ୍ରଭାକର ମିଶ୍ର, ନରେନ୍ଦ୍ରନାଥ ମିଶ୍ର, ଉମାକାନ୍ତ ସାହୁ, ପ୍ରଦୀପ ମହାପାତ୍ର, ରଜନୀକାନ୍ତ ମିଶ୍ର, କିଶୋର ଦଣ୍ଡସେନା, ସୂର୍ଯ୍ୟକୁମାର ମେହେର ଓ ଅବିନାଶ ଦାନୀ ପ୍ରମୁଖ ଉପସ୍ଥିତ ଥିଲେ ।