ରୋଟାରୀ ଇଷ୍ଟର ପ୍ରତିଷ୍ଠା ଉତ୍ସବ ପାଳିତ

  • ରୋଟାରୀ ଫାଉଣ୍ଡେସନ ପ୍ରୋଜେକ୍ଟ ପାଇଁ ପ୍ରସ୍ତାବ ଗୃହୀତ

ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ରୋଟାରୀ କ୍ଲବ ଅଫ ବ୍ରହ୍ମପୁର ଇଷ୍ଟର ପ୍ରତିଷ୍ଠା ଉତ୍ସବ ଧର୍ମନଗର ସ୍ଥିତ ରୋଟାରୀ କମ୍ୟୁନିଟି ହଲରେ ଇତିମଧ୍ୟରେ ସମାହିତ ହୋଇଯାଇଛି । ସଭାପତି ଡ଼ଃ. ପ୍ରଦୀପ୍ତ କୁମାର ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ଏହି ପ୍ରତିଷ୍ଠାତା ଉତ୍ସବ ସମାରୋହରେ ସଭାପତି ଭଗବାନ ପାଢ଼ୀ ମୁଖ୍ୟଅତିଥି ରୂପେ ଯୋଗଦେଇ ରୋଟାରୀ କ୍ଲବ ଅଫ ବ୍ରହ୍ମପୁର ଇଷ୍ଟର ପ୍ରତିଷ୍ଠା ଉତ୍ସବ ମହତ୍ତ୍ୱ ବିଷୟରେ ପ୍ରତିପାଦନ କରିଥିଲେ । ଏହି କ୍ଲବର ପ୍ରତିଷ୍ଠା ବିବରଣୀ ଏବଂ କମ୍ୟୁନିଟି ହଲର ସ୍ଥାନ ଅଧିଗ୍ରହଣ ଏବଂ ନିର୍ମାଣର ଇତିହାସ ସ୍ମରଣ କରି ସଭାପତି ଶ୍ରୀ ପାଢ଼ୀ କ୍ଲବର କାର୍ଯ୍ୟରେ ଖୁସିବ୍ୟକ୍ତ କରିଥିଲେ । ଏପରିକି ଏକ ସ୍ଥାୟୀ ଯୋଜନା ରୂପେ ଏଠାରେ ଏକ ଦନ୍ତ ଚିକିତ୍ସାଳୟ ପ୍ରତିଷ୍ଠା କରିବା ଉଦ୍ଦେଶ୍ୟରେ ଦନ୍ତ ଚିକିତ୍ସାଳୟ ଫାଉଣ୍ଡେସନ ପ୍ରୋଜେକ୍ଟ ସ୍ଥାପନ କରିବା ପାଇଁ ପ୍ରସ୍ତାବ ଉପରେ ମତବ୍ୟକ୍ତ କରିଥିଲେ । ଅନ୍ୟତମ ପ୍ରତିଷ୍ଠାତା ସଦସ୍ୟ ତଥା ଉତ୍କଳ କେମିଷ୍ଟ୍ରି ଆଣ୍ଡ ଡ୍ରାଗିଷ୍ଟ ଆସୋସିଏସନର ସଭାପତି ପି. ସତ୍ୟନାରାୟଣ ବାବୁ ପ୍ରତିଷ୍ଠା ସମ୍ପର୍କରେ ନିଜର ସହାଭାଗିତା ଏବଂ ସମସ୍ୟା ସମାଧାନ ବିଷୟରେ ବକ୍ତବ୍ୟ ରଖିଥିଲେ । ପୂର୍ବତନ ସଭାପତି ଗଦାଧର ରାଉଳ, କାମରାଜୁ ମହାରଣା, ଅଜିତ୍ କୁମାର ପୃଷ୍ଟି, ସ୍ୱରାଜ୍ୟ ସାହୁ, ସୁଧାଂଶୁ ଶେଖର ଖାଡ଼ଗରାୟ, ଦୁର୍ଗା ରାଓ, ଭିକାରୀ ଚରଣ ସାହୁ, ସନ୍ତୋଷ ତ୍ରିପାଠୀ ପ୍ରମୁଖ ବହୁ ଗଣ୍ୟମାନ୍ୟ ରୋଟାରୀ କ୍ଲବ ଉଦ୍ୟକ୍ତା ନିଜ ନିଜର ବକ୍ତବ୍ୟରେ କ୍ଲବର ଆନୁଷ୍ଠାନିକ ସ୍ୱାର୍ଥ ଦୃଷ୍ଟିରୁ ମତାମତ ଉପସ୍ଥାପନା କରିଥିଲେ । ଜନସେବା ପାଇଁ ସୃଷ୍ଟି କରାଯାଇଥିବା ଏହି କ୍ଲବକୁ ଅଧିକ ବିକାଶ କରିବା ପାଇଁ ସମାଜମୁଖୀ କରିବା ଦିଗରେ ମତବ୍ୟକ୍ତ କରିଥିଲେ । ଶେଷରେ ସମ୍ପାଦକ ଅଶ୍ୱିନୀ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ ।

Leave A Reply

Your email address will not be published.