ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ପୌରପରିଷଦର ୪ନଂ ୱାର୍ଡ ଠିକାଦାରପଡ଼ାରେ ନାହିଁ ନଥିବା ଅସୁବିଧା ରହିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଠିକାଦାର ପଡ଼ାରେ ରହିଥିବା ଡ଼. ହାଡ଼ିବନ୍ଧୁ ଶତପଥୀଙ୍କ କ୍ଲିନିକ ସାମ୍ନାରେ ରହିଛି ଏକ ଲାଇଟ ଖୁଣ୍ଟ, ଯାହା ବିପଦ ସଙ୍କୁଳ ଅବସ୍ଥାରେ ଠିଆହୋଇଛି । ଲାଇଟଖୁଣ୍ଟ ଢଳି ରହିଥିବା ବେଳେ ତାର ମୂଳ ମଧ୍ୟ ଅଧା ଉପୁଡିଯାଇଥିବା ଦେଖିବାକୁ ମିଳିଛି । କେତେବେଳେ କାହା ଉପରେ ପଡ଼ିଯିବ ଲାଇଟ ଖୁଣ୍ଟ ଏବଂ ଏକ ବିପତ୍ତି ଜନକ ସ୍ଥିତି ଉପୁଜିବ ତାହାର କିଛି ଠିକ୍ଠିକଣା ନାହିଁ ବୋଲି ଲୋକେ ଆଲୋଚନା କରୁଛନ୍ତି । ସେହିପରି ଠିକାଦାରପଡ଼ାରୁ ତାଲପାଲିପଡ଼ା ଆଡ଼କୁ ଯାଇଥିବା ରାସ୍ତାରେ ଥିବା ଦାମ୍ଜୀ ଗ୍ୟାରେଜ ପାଖାପାଖି ଥିବା ଡ୍ରେନ ସମ୍ପୂର୍ଣ୍ଣ ଜାମ ହୋଇରହିଛି । ପୁଣି ଜଣକ ଘର ଭିତରେ ରହିଛି ଏକ ଲାଇଟ ଖୁଣ୍ଟ । ବଲାଙ୍ଗିର ପୌରପରିଷଦର ୪ ନଂ ୱାର୍ଡ ଅନ୍ତର୍ଗତ ଠିକାଦାରପଡ଼ାରେ ନାହିଁ ନଥିବା ସମସ୍ୟା ରହିଥିବାବେଳେ ଏଥିପ୍ରତି ପ୍ରଶାସନିକ ଦୃଷ୍ଟି ପଡ଼ୁନଥିବାରୁ ପଡ଼ାବାସୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।