ସୋନପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଭୁଦୋବର ପୋଖରୀ ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଏକ ଯାତ୍ରୀବାହୀ ବସ୍ ଓଲଟି ପଡିଥିବା ସୂଚନା ମିଳିଛି । ସୂଚନା ଅନୁଯାୟୀ, ପୁରୀରୁ ପାତାଲି ଶ୍ରୀକ୍ଷେତ୍ରକୁ ଆସୁଥିବା ଏକ ଓଏସଆରଟିସି ବସ୍ ଅନ୍ୟ ଏକ ଗାଡିକୁ ରାସ୍ତା ଛାଡ଼ିବା ବେଳେ ରାସ୍ତା ତଳକୁ ଖସି ପଡ଼ିଛି । ଗୁରୁବାର ଭୋର୍ ପ୍ରାୟ ୩ଟା ୩୦ରେ ଏହି ଦୁର୍ଘଟଣା ଘଟିଛି । ବସ୍ରେ ବସ୍ କର୍ମଚାରୀଙ୍କ ସମେତ ୩ରୁ ୪ ଜଣ ଥିଲେ । ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ସୂଚନା ମିଳିଛି ।