ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ପବିତ୍ର ନୃସିଂହନାଥ ପୀଠରେ ଥିବା ସସ୍କୃତି ମଣ୍ଡପ ଠାରେ ଶ୍ରୀ ଶ୍ରୀ ନୃସିଂହନାଥ ବ୍ରାହ୍ମଣ ସମାଜର ନୂଆଁଖାଇ ଭେଟଘାଟ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଗାୟତ୍ରୀ ବାହିନୀ ଦ୍ଵାରା ପରିଚାଳିତ ହୋଇଥିଲା । କାର୍ଯ୍ୟକ୍ରମରେ ଛୋଟରୁ ବଡମାନଙ୍କ ପାଇଁ ବିଭିନ୍ନ ଆକର୍ଷଣୀୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଛୋଟମାନଙ୍କ ପାଇଁ ଜିଲେପି ଖିଆ, ନାଚ, ଗୀତ ଓ ବଡ଼ ମାନଙ୍କ ପାଇଁ ରଙ୍ଗୋଲି, ଚୌକି ବସା, ଗୀତା ପାଠ, ଆଧ୍ୟାତ୍ମିକ କୁଇଜ୍ ସହ ଅନ୍ୟାନ୍ୟ ହସ ଖୁସି ଭରା ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଅନ୍ନ ପ୍ରସାଦ ଭୋଜନ ପରେ ଏକ ବୈଠକ ମାତୃପ୍ରସାଦ ରଥଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ବ୍ରାହ୍ମଣ ସମାଜର ସଭାପତି ଗିରିଶ ଚନ୍ଦ୍ର ନାୟକ ସମ୍ମାନିତ ଅତିଥି ଭାବେ ଶଙ୍କର ଦାସ, ସୁଶିଲ ମହାପାତ୍ର, ସୁବଳ ପଣ୍ଡା, ମନୋହର ମିଶ୍ର, ବୁଲୁ ନାୟକ ଓ ସତ୍ୟନାରାୟଣ ଯୋଶୀ ପ୍ରମୁଖ ଯୋଗ ଦେଇ ସମାଜର ଉନ୍ନତି ବିଷୟରେନିଜ ନିଜର ସୁଚିନ୍ତିତ ବକ୍ତବ୍ୟ ପ୍ରଦାନ କରିଥିଲେ । ଏହାପରେ ସମସ୍ତ କୃତି ପ୍ରତିଯୋଗୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ବିଭିନ୍ନ କାମରେ କଳ୍ପନା ବଡ଼ପଣ୍ଡା, ସୌରେନ୍ଦ୍ରି ପଣ୍ଡା, ସୀମାରାଣୀ ଦାଶ, ଶ୍ରଦ୍ଧାଞ୍ଜଳି ପାଣିଗ୍ରାହୀ ଓ ତପସ୍ୱିନୀ ପାଣିଗ୍ରାହୀ ପ୍ରମୁଖଙ୍କ ସହ ଗାୟତ୍ରୀ ବାହିନୀ ଏବଂ ପର୍ଶୁରାମ ବାହିନୀର ସମସ୍ତ ସଦସ୍ୟ ସହଯୋଗ କରିଥିଲେ ।
ଶେଷରେ ସୁଶାନ୍ତ ପାଣିଗ୍ରାହୀ ଆଜିର କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ବଡ ମାନଙ୍କୁ ନୁଆଁଖାଇ ଜୁହାର କରି ଛୋଟମାନଙ୍କୁ ଆଶୀର୍ବାଦ ଜଣାଇ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।