ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଅନ୍ତର୍ଗତ ମିଠାପାଲି ଗ୍ରାମରେ ନୂଆଁଖାଇ ଧୁମ୍ଧାମ୍ରେ ପାଳନ କରାଯାଇଛି । ନୂଆଁଖାଇ ପରେ ଅପରାହ୍ନ ୪ଟାରେ ନୂଆଁଖାଇ ଭେଟ୍ଘାଟ୍ ଅନୁଷ୍ଠିତ ହୋଇଥିଲା । ଏଥିରେ ଗ୍ରାମ ପରିଚାଳନା କମିଟିର ସଭାପତି ତ୍ରିଲୋଚନ ସାହୁ, ସମ୍ପାଦକ ପାନାଲାଲ ସେଟ, କୋଷାଧ୍ୟକ୍ଷ ମହେନ୍ଦ୍ର ସାହୁ, ଗ୍ରାମର ବୟୋଜ୍ୟେଷ୍ଠ ଗୋପାଳ ଚନ୍ଦ୍ର ସେଠ, ଗୁପତରାମ ବାରିକ ଓ ଗ୍ରାମର ବହୁ ସଂଖ୍ୟାରେ ଜନ ସମାଗମ ହୋଇଥିଲା । ସର୍ବ ପ୍ରଥମେ ମା’ ସମ୍ବଳେଶ୍ଵରୀ ଦେବୀ, ଶ୍ରୀ ଶ୍ରୀ ନୃସିଂହ ନାଥ ମହାପ୍ରଭୁଙ୍କ ପୂଜାର୍ଚ୍ଚନା କରି ନବାନ୍ନ ଭୋଗ ଲାଗି କରାଯାଇଥିଲା । ପରେ କୁରେଇ ପତ୍ରରେ ନବାନ୍ନ ବଣ୍ଟନ କରାଯାଇଥିଲା । ଆସନ୍ତା ବର୍ଷରେ ଏହି ନୂଆଁଖାଇ ଭେଟ୍ଘାଟ୍ ମହାସମାରୋହରେ ପାଳନ କରିବାକୁ ମତ ପ୍ରକାଶ ପାଇଥିଲା । ଶେଷରେ କମିଟିର ସମ୍ପାଦକ ପାନାଲାଲ ସେଠ୍ ଧନ୍ୟବାଦ ଅର୍ପଣ କରିଥିଲେ ।