ଗଣ୍ଡପତ୍ରାପାଲି ସମବାୟ ସମିତିରେ ଦ୍ୱିତୀୟ ଥର ପାଇଁ ରାଜକିଶୋର ନିଦ୍ୱର୍ନ୍ଦରେ ସଭାପତି ଭାବେ ନିର୍ବାଚିତ : କୃଷି ମହଲରେ ବେଶ ଉତ୍ସାହ

ସଇଁତଲା, (ପ୍ରମୋଦ କୁମାର ସେଲମା) : ବଲାଙ୍ଗିର ଜିଲ୍ଲା ସଇଁତଲା ବ୍ଲକ ଗଣ୍ଡପତ୍ରାପାଲି ପ୍ରାଥମିକ କୃଷି ସମବାୟ ସମିତି ସଭାପତି ପଦ ପାଇଁ ସୋମବାର ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ସଭାପତି ଭାବେ ରାଜକିଶୋର ଡାଙ୍ଗ ଦ୍ୱିତୀୟ ଥର ପାଇଁ ପୁଣି ନିଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି । ଏଥିରେ ଶ୍ରୀ ଡାଙ୍ଗ ସଭାପତି ହେବା ପରେ ଚାଷୀ ମହଲରେ ବେଶ ଉତ୍ସାହ ଦେଖାଦେବା ସହ ଏପରିକି ଚାଷୀଙ୍କ ଧାନ ବିକ୍ରି, ଟୋକନ ପ୍ରକ୍ରିୟା ଏବଂ ଚାଷୀଙ୍କ ବିଭିନ୍ନ ସମସ୍ୟାରେ ସ୍ୱଚ୍ଛତା ଆଣିବା ପାଇଁ ପ୍ରକାଶ କରିଥିଲେ । ଏହି ସମବାୟ ସମିତିରେ ୧୫ଟି ୱାର୍ଡ ମଧ୍ୟରୁ ୧୨ ଟିୱାର୍ଡରେ ନିଦ୍ୱର୍ନ୍ଦରେ ଡାଇରେକ୍ଟ ନିର୍ବାଚିତ ହୋଇଥିଲେ । ଏହି ନିର୍ବାଚନ ପାଇଁ ମୁରିବାହାଲ କାର୍ଯ୍ୟ ନିର୍ବାହୀ ଅଧିକାରୀ ସୁଧାଂଶୁ ଶେଖର ପଟ୍ଟନାୟକ ନିର୍ବାଚନୀ ଅଧିକାରୀ ଭାବରେ ଦାୟିତ୍ୱ ତୁଲାଇଥିଲେ । ଏହି ସମବାୟ ସମିତିରେ ସୂର୍ଯ୍ୟ ନାରାୟଣ ବଗର୍ତି, ଗୌରୀ ନାଗ, କ୍ଷମା ସାଗର ବଗର୍ତି, ବାରୁ ମହାନନ୍ଦ, କିଶୋର ମାଝୀ, ଚାନ୍ଦିନୀ ମହାନନ୍ଦ, ଅନନ୍ତ ନାରାୟଣ ରଣା, ଜିତେନ୍ଦ୍ର ବେହେରା, ନରସିଂହ ଥାଟି, ଶାନ୍ତି ରଣା ଓ ରାଜୀବ ସ୍ୱାଇଁ ପ୍ରମୁଖ ଡାଇରେକ୍ଟ ଭାବରେ ନିଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି ।