ପଦ୍ମପୁର, (ନିରୋଜ କୁମାର ପାଣୀ) : ଗତ କାଲି ରାତ୍ରିରେ, ପଦ୍ମପୁର ଏନଏସିର ଅବସର ପ୍ରାପ୍ତ କର୍ମଚାରୀ ଶ୍ୟାମସୁନ୍ଦର ପଟ୍ଟନାୟକ(କାଲିଆ)ଙ୍କ, ତାଙ୍କ ହନୁମାନପଡା ସ୍ଥିତ ବାସଭବନରେ ମାତ୍ର ୬୨ ବର୍ଷ ବୟସରେ ଦେହାନ୍ତ ହୋଇ ଯାଇଛି । ଚାକିରୀ ସହିତ ସେ ସହରର ଅନେକ ଅନୁଷ୍ଠାନ ସହିତ ଯୋଡି ହୋଇ ରହିଥିଲେ । ଜଣେ ସ୍ପଷ୍ଟବାଦୀ ତଥା ମେଳାପୀ ବ୍ୟକ୍ତି ଭାବେ ସେ ସର୍ବତ୍ର ପରିଚିତ ଥିଲେ । ସେ ତାଙ୍କ ପଛରେ ବିଧବା ସ୍ତ୍ରୀ, ପୁଅ ବୋହୂ, ଝିଅ ଜ୍ବାଇ, ନାତି ନାତୁଣୀଙ୍କ ସହିତ ଆତ୍ମାୟୀ ବର୍ଗକୁ ଛାଡି ଚାଲି ଯାଇଛନ୍ତି । ଆଜି ସକାଳେ ସ୍ଥାନୀୟ ରାଜଘାଟଠାରେ ତାଙ୍କର ମର ଶରୀରକୁ ଦାହ କରାଯାଇଥିଲା । ଏକ ମାତ୍ର ପୁତ୍ର ଅଜୁ ମୁଖାଗ୍ନି ଦେଇଥିଲେ । ସ୍ଵର୍ଗତ ପଟ୍ଟନାୟକଙ୍କ ଦେହାନ୍ତରେ ସହରରେ ଶୋକର ଛାୟା ଖେଳି ଯାଇଛି । ପଦ୍ମପୁରର ପୂର୍ବତନ ବିଧାୟକ ତଥା ରାଜ୍ୟ କୃଷକ ମୋର୍ଚ୍ଚା ସଭାପତି ଶ୍ରୀ ପ୍ରଦୀପ ପୁରୋହିତ ସ୍ବର୍ଗତ ପଟ୍ଟନାୟକଙ୍କ ଦେହାନ୍ତରେ ଗଭୀର ଶୋକ ବ୍ୟକ୍ତ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।