ନୟାଗଡ଼ : ନୟାଗଡ଼ ଜିଲ୍ଲା ଇଟାମାଟି ଥାନା ଡେଙ୍ଗେରାଗୋଡି ନିକଟ ରେଳଧାରଣାରୁ ଜଣେ ଅଜଣା ଯୁବତୀଙ୍କ କ୍ଷତବିକ୍ଷତ ମୃତଦେହ ଉଦ୍ଧାର କରାଯାଇଥିବା ଜଣାପଡିଛି । ଖବର ଅନୁଯାୟୀ, ଶନିବାର ଦିନ ଡେଙ୍ଗେରାଗୋଡି ନିକଟ ରେଳ ଧାରଣାରେ ଜଣେ ଯୁବତୀଙ୍କ ମୃତଦେହ ପଡିଥିବାର ଦେଖିଥିଲେ ସ୍ଥାନୀୟ ଲୋକେ । ଏହାପରେ ଉପସ୍ଥିତ ଲୋକେ ତୁରନ୍ତ ସ୍ଥାନୀୟ ପୋଲିସ ଏବଂ ଆର୍ପିଏଫ୍କୁ ଖବର ଦେଇଥିଲେ ।ଉଭୟ ଟିମ୍ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି ।
ତେବେ ଯୁବତୀ ଜଣଙ୍କ ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ମୃତ ଯୁବତୀଙ୍କ ବୟସ ୨୫ ବର୍ଷ ବୋଲି ସୂଚନା ରହିଛି । ସେ ନାଲି ଏବଂ କଳା ରଙ୍ଗର ଚୁଡିଦାର୍ ପିନ୍ଧିଥିବା ଜଣାପଡିଛି । ଆର୍ପିଏଫ୍ ଏବଂ ଇଟାମାଟି ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ତଦନ୍ତ ଜାରି ରଖିଛି ।