କଣ୍ଟାବାଞ୍ଜି, (କୈଳାଶ ସଗ୍ରିଆ) : ତୁରେକେଲା ଥାନା ଅନ୍ତର୍ଗତ ଘୁନେଶ ଗ୍ରାମ ପଞ୍ଚାୟତର ବାନ୍ଧନପାଲି ଗାଁର ଜୈନିକ ଯୁବକ ସୁନାଧର ପୁଞ୍ଜି ଘରୁ ବାହାରି ଗାଁ ପାଖ ପେଣ୍ଡ୍ରା ବନ୍ଧ ଜଳ ପ୍ରପାତକୁ କାଠ ଡ଼ଙ୍ଗାରେ ମାଛ ମାରିବାକୁ ଡ୍ୟାମ ଭିତରକୁ ପ୍ରବେଶ କରି ମାଛ ମାରୁଥିଲେ । ଅପରାହ୍ନରେ ହଠାତ ବିଜୁଳି ଘଡ ଘଡି ମାରି, ବଜ୍ରାଘାତରେ ଯୁବକଙ୍କ ମୃତ୍ୟୁ ହୋଇଯାଇଥିବା ଗ୍ରାମବାସୀଙ୍କ ସୂତ୍ରରୁ ଜଣାପଡିଛି । ମିଳିଥିବା ସୂଚନା ଅନୁସାରେ କୌଣସି ସୂତ୍ରରୁ ଖବର ପାଇଁ ପରିବାର ଲୋକେ ଡ୍ୟାମ ପାଖରେ ପହଞ୍ଚି ସ୍ଥାନୀୟ ଲୋକଙ୍କ ସାହାଯ୍ୟରେ ମୃତ ଦେହକୁ ଉଦ୍ଧାର କରି ତୁରେକେଲା ପୁଲିସକୁ ଖବର ଦେଇ କଣ୍ଟାବାଞ୍ଜି ଡାକ୍ତରଖାନାକୁ ଆଣିଥିଲେ ।