ନୂଆପଡା, (ନିରାକାର ମେହେର) : ନୂଆପଡା ଜିଲ୍ଲା ବିଜୁ ଏକ୍ସପ୍ରେସ ରାସ୍ତା ସିନାପାଲି ନିକଟସ୍ଥ ମହଗାଁ ନିକଟରେ ଟ୍ରାକ୍ଟର ଧକ୍କାରେ ଜଣେ ମୋଟର ସାଇକେଲ ଚାଳକଙ୍କ ମୃତ୍ୟୁ ଘଟିଥିବା ଜଣାପଡିଛି । ଖବର ଅନୁସାରେ ରେଜିଷ୍ଟ୍ରେସନ ନମ୍ବର ଓଡି ୨୬ ଇ ୪୦୫୬ ଟ୍ରାକ୍ଟରଟି ମୋଟର ସାଇକେଲ ନମ୍ବର ଓଡି ୨୬ ଜି ୬୨୬୩କୁ ଧକ୍କା ଦେବାରୁ ଚାଳକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ନୂଆପଡା ଜିଲ୍ଲା ବୋଡେନ ଥାନା ଅଧୀନସ୍ଥ କିରେଝୋଲା ଗ୍ରାମର ସତ୍ୟ କୁମାର ମାଝୀ (୪୨) ବୋଲି ଜଣାପଡିଛି । ଶ୍ରୀ ମାଝୀ ସିନାପାଲି ବ୍ଲକ କରଣବାହାଲି ଓ କୁସୁମଜୋର ଏହି ଦୁଇ ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ ଭାବରେ କାର୍ଯ୍ୟରତ ଥିଲେ । ସ୍ଥାନୀୟ ଲୋକଙ୍କଠାରୁ ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଓ ଦୁର୍ଘଟଣା ଘଟାଇଥିବା ଟ୍ରାକ୍ଟରକୁ ଜବତ କରିବା ସହିତ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରି ଅଧିକ ତଦନ୍ତ ଜାରି ରଖିଥିବା ସିନାପାଲି ଥାନା ସବ-ଇନ୍ସପେକ୍ଟର ଅନିତା ଯାନୀ ପ୍ରକାଶ କରିଛନ୍ତି ।