ଖଣ୍ଡପଡା : ଖଣ୍ଡପଡା ବ୍ଲକ ବଡ଼ବାଣପୁର ଗ୍ରାମର ଜଣେ ଯୁବକ ବାଇକ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଜଣକ ହେଲେ ଧର୍ମେନ୍ଦ୍ର ସାହୁ (୩୨) । ସୂଚନା ଅନୁସାରେ, ଧର୍ମେନ୍ଦ୍ର ସାହୁ ବୁଧବାର ସକାଳେ ନିକଟସ୍ଥ କଣ୍ଟିଲୋ ବଜାରକୁ ପରିବା ଆଣିବାକୁ ବାଇକ୍ ଯୋଗେ ଯାଇଥିଲେ । ଫେରିବା ସମୟରେ କଲେଜ ସମ୍ମୁଖରେ ଭାରସାମ୍ୟ ହରାଇ ରାସ୍ତା ତଳକୁ ଖସି ପଡ଼ିଥିଲେ । ପରେ ଆମ୍ବୁଲାନ୍ସ ଯୋଗେ ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିବା ବେଳେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଲିସ ଶବ ଜବତ କରି ଘଟଣାର ତଦନ୍ତ କରୁଥିବା ସୂଚନା ମିଳିଛି ।