ଯୋଗଦେଲେ ରାଜ୍ୟ ବିଜେପି ସଭାପତି ମନ ମୋହନ ସାମଲ
ରମାଇ ଗଡରୁ ଆସିଲା ମାଟି, ବହୁ ଚର୍ଚ୍ଚିତ ମମିତା ମେହେର ହତ୍ୟାକାଣ୍ଡର ପିତାମାତାଙ୍କୁ ଜଣାଇଲେ ସମବେଦନା
କଂଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଂଟାବାଞ୍ଜି ବିଧାନ ସଭା ନିର୍ବାଚନ ମଣ୍ଡଳିରେ ରବିବାର ଦିନ ଭାରତୀୟ ଜନତା ପାର୍ଟି ଦ୍ୱାରା ମୋ ମାଟି ମୋ ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବଲାଙ୍ଗିର ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂହଦେଓ, ପୂର୍ବତନ ବିଜେପି ରାଜ୍ୟ ସଭାପତି ତଥା ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ,ଜିଲ୍ଲା ସଭାପତି ଶିବାଜି ମହାନ୍ତି, ବିଧାୟକ ପ୍ରାର୍ଥୀ ଲକ୍ଷ୍ମଣ ବାଗ,ରାଜ୍ୟ ସଭାପତି ମନମୋହନ ସାମଲ ଏହି କାର୍ଯ୍ୟମରେ ସାମିଲ ଥିଲେ । ଏହି ଅବସରରେ ଶ୍ରୀ ଜଗନ୍ନାଥ ମଂଦିର ପରିସରରୁ ପୂଜା ଅର୍ଚ୍ଚନା କରି ମାଟି ସଂଗ୍ରହ କରାଯାଇଥିଲା । ପୂର୍ବତନ ମୂଖ୍ୟମନ୍ତ୍ରୀ ରାଜେନ୍ଦ୍ର ନାରାୟଣ ସିଂହଦେଓଙ୍କ ଜନ୍ମସ୍ଥାନ ତଥା ମାଓପ୍ରବଣ ଅଂଚଳ ରମାଇଗଡରୁ ମଧ୍ୟ ମାଟି ଆଣି ମୋ ମାଟି ମୋ ଦେଶ କାର୍ଯ୍ୟକ୍ରମରେ ସାମିଲ ପରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହା ପରେ କଂଟାବାଞ୍ଜି ଅଭିମୁଖେ ଆସିବା ମଧ୍ୟରେ ସ୍ଥାନୀୟ ଡାକବଙ୍ଗଳାରୁ ଏକ ବିରାଟ ମୋଟର ସାଇକଲ ରାଲିରେ ଜି.ଆର.ପ୍ୟାଲେସକୁ ପାଛୋଟି ନିଆଯାଇଥିଲା । ଜି.ଆର.ପ୍ୟାଲେସରେ ଏକ ବିରାଟ ସାଧାରଣ ସଭାରେ ମୁଖ୍ୟ ଅତିଥି ତଥା ରାଜ୍ୟ ଭାଜପା ସଭାପତି ଶ୍ରୀ ସାମଲ ଏହି କାର୍ଯ୍ୟକ୍ରମକୁ ରାଷ୍ଟ୍ରୀୟ କାର୍ଯ୍ୟକ୍ରମ ବୋଲି ସୂଚନା ଦେଇଥିଲେ । ଦେଶର ପ୍ରତ୍ୟେକ ଗାଁରୁ ଏପରିକି ସହିଦ ଜବାନଙ୍କ ଜନ୍ମସ୍ଥଳୀରୁ ମଧ୍ୟ ମାଟି ସଂଗ୍ରହ କରି ସେମାନଙ୍କୁ ଶ୍ରଦ୍ଧାଞ୍ଜଳି ଦେବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ବୋଲି କହିଥିଲେ । ଦେଶର ପ୍ରତ୍ୟେକ ପୁଣ୍ୟସ୍ଥଳିରୁ ମାଟି ସଂଗ୍ରହ କରି ଦେଶର ୧୪୦ କୋଟି ଜନତାଙ୍କ ପାଇଁ ଶିଳାନ୍ୟାସ କରାଯିବ ବୋଲି କହିଥିଲେ । କଂଟାବାଞ୍ଜି ମାଟିରେ ମୋର ପାଦ ଦେବାର ସୌଭାଗ୍ୟ ବୋଲି କହି ଦେଶରେ ସବୁଠୁ ଅଧିକ ସାଂସଦ, ବିଧାୟକ, ମହିଳା ନେତ୍ରୀ ଭାଜପା ସୃଷ୍ଟି କରୁଥିବାବେଳେ ମହିଳା ସଂରକ୍ଷଣ ବିଲକୁ ପାରିତ କରିଥିବା କହିଥିଲେ । ଏହି ସାଧାରଣ ସଭାରେ ଅନ୍ୟ ମାନଙ୍କ ମଧ୍ୟରେ କଂଟାବାଞ୍ଜି ନିର୍ବାଚନ ମଣ୍ଡଳୀର ତୁରେକେଲା, ବଙ୍ଗୋମୁଣ୍ଡା,ମୁରିବାହାଲ ବ୍ଲକ ତଥା କଂଟାବାଞ୍ଜି ଏନ.ଏ.ସିର ସମସ୍ତ ମଣ୍ଡଳ ସଭାପତି, ଜିଲ୍ଲା କାର୍ଯ୍ୟକାରିଣୀ ସଭ୍ୟ ଥବିର ବାଗ, କାଉନସିଲର ନିଳକଂଠ ଶତପଥୀ, କଂଟାବାଞ୍ଜି ନଗର ସଭାପତି ବେଦବ୍ୟାସ ନାଗ, ତୁରେକେଲା ବ୍ଲକ ସରପଂଚ ସଂଘ ସଭାପତି ଜଲନ୍ଧର ମହାକୁଡ ମଂଚାଶିନ ଥିଲେ । କାର୍ଯ୍ୟକ୍ରମଟିକୁ ଘାସିରାମ ଜୈନ, ପ୍ରଦିପ ବାଗ, ଦିପକ ସେଲମା, ଚୈତନ୍ୟ ହଂସ ସହ ଅନ୍ୟମାନେ ସହଯୋଗ କରିଥିଲେ । ପରେ ସାଢେ ଛଅଟାରେ ବହୁ ଚର୍ଚ୍ଚିତ ମହାଲିଙ୍ଗ ସ୍କୁଲ ମମିତା ମେହେର ହତ୍ୟାକାଣ୍ଡର ଗାଁ ଝରଣି କୁ ଯାଇ ମମିତା ମେହେରଙ୍କ ପିତାମାତା ଓ ପରିବାର ବର୍ଗଙ୍କୁ ସାକ୍ଷାତ କରି ସମବେଦନା ଜଣାଇବା ସହ ଦୀର୍ଘ ୨ବର୍ଷ ବିତିଯାଇଥିଲେ ସୁଦ୍ଧା ପ୍ରକୃତ ହତ୍ୟାକାରୀଙ୍କୁ ସରକାର ଚିହ୍ନଟ କରି ନ ଥିବା ବେଳେ ଏହାର ସିବିଆଇ ତଦନ୍ତ ଯଥା ଶିଘ୍ର କରିବା ପାଇଁ ଶ୍ରୀ ସାମଲ ସରକାରଙ୍କ ଠାରେ ଉପସ୍ଥାପନ କରିବେ ବୋଲି କହିଥିଲେ ।