ଗୋଇମୁଣ୍ଡ, (କେପିଏନ୍ଏସ୍) : ଗୋଇମୁଣ୍ଡରେ ମୋ’ ଦେଶ, ମୋ’ ମାଟି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅମୃତ କଳସ ଧରି ମାଟି ସଂଗ୍ରହ କଲେ ଡାକ କର୍ମଚାରୀ । ଗ୍ରାମ ମଝିରୁ ଏକ ଶୋଭାଯାତ୍ରାରେ ବାହାରି ଘର ଘର ବୁଲି ମାଟି ସଂଗ୍ରହ କରାଯାଇଥିଲା । ଗୋଇମୁଣ୍ଡ ଡାକଘର ଅଧିନସ୍ଥ ଗୋଇମୁଣ୍ଡ, ଝିଙ୍କିଡୁଙ୍ଗୁରି, ଚିତ୍ରାମୁଣ୍ଡା ଗ୍ରାମକୁ ଯାଇ ମାଟି ସଂଗ୍ରହ କରିଥିଲେ । ଗୋଇମୁଣ୍ଡ ଶାଖା ଡାକପାଳ ଭକ୍ତବନ୍ଧୁ ସାହୁ, ଟିଟିଲାଗଡ ଓଭରସିଅର ଆଶିଷ କୁମାର ନେଉରା, ବିରିପାଲି ଶାଖା ଡାକପାଳ ଜ୍ଞାନରଞ୍ଜନ ରଣା, ମୁଣ୍ଡପଦର ନିମାଇଁ ଚରଣ ବର୍ଗେ, କପିଲାଭଟା ଶାଖା ଡାକପାଳ ଦିବ୍ୟକୃଷ୍ଣ ପ୍ରଧାନୀ ସାମିଲ ହୋଇଥିଲେ ।