ଲଙ୍ଗଲକଟାରେ ଜାତୀୟ ମତଦାତା ଦିବସ ପାଳିତ

ଡୁଙ୍ଗୁରିପାଲି, (କେପିଏନ୍‌ଏସ୍‌) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ବେହେରାମାଲ ପଂଚାୟତ ଅନ୍ତର୍ଗତ ଲଙ୍ଗଲକଟା ୪୩ ନମ୍ବର ବୁଥ୍‌ରେ ଜାତୀୟ ମତାଦାତା ଦିବସ ପାଳିତ ହୋଇଯାଇଛି । ବୁଥସ୍ତରୀୟ ଅଧିକାରୀ ପୁଷ୍ପାଞ୍ଜଳି ଦାଶଙ୍କ ସଭାପତିତ୍ୱରେ ଅନୁଷ୍ଠିତ ସଚେତନତା ସଭାକୁ ବରିଷ୍ଠ ନାଗରିକ ଶିଶୁ ପଧାନ ମୁଖ୍ୟ ଅତିଥିଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ କରି ଉଦ୍‌ଘାଟନ କରିଥିଲେ । ସଚେତନ ନାଗରିକ ମଧୁସୂଦନ ପଧାନ, ଭକ୍ତଚରଣ ପଧାନ ସମ୍ମାନିତ ଅତିଥିଭାବେ ଯୋଗଦେଇ ମତଦାତା ଦିବସ ପାଳନର ମହତ୍ୱ ଉପରେ ଆଲୋକପାତ କରିବା ସହ ନିରପେକ୍ଷ ମତଦାନ ପାଇଁ ଶପଥ ପାଠ କରିଥିଲେ । ସିଆରପି ମିନାକ୍ଷୀ ପଧାନ, ସ୍ୱୟଂ ସହାୟକ ଗୋଷ୍ଠୀ ସଦସ୍ୟା ଭଗବତୀ ପଧାନ, ପ୍ରଭାସିନୀ ପଧାନ ସହଯୋଗ କରିଥିଲେ । ବିଏଲଓ ସୁପରଭାଇଜର ନରେନ୍ଦ୍ର ପୁରୋହିତ କାର୍ଯ୍ୟକ୍ରମକୁ ପରିଦର୍ଶନ କରିଥିଲେ । ଶେଷରେ ନୂତନ ଭୋଟର ଜୁଲି ପଧାନ ଧନ୍ୟବାଦ ଅର୍ପଣ କରିଥିଲେ । ସେହିପରି ବେହେରାମାଲ, ପିପିଲିପାଲି, ବହୁବସା, ଜୀବନଦାଦର, ଖଲିଆପାଲି, ମାୟାବର୍ହା, ବୈରାଗୀମୁଣ୍ଡା ଓ ବାଘହାଣ୍ଡି ମତଦାନ କେନ୍ଦ୍ର ଗୁଡିକରେ ମଧ୍ୟ ଜାତୀୟ ମତଦାତା ଦିବସ ପାଳିତ ହୋଇଯାଇଛି ।