ଟିଟିଲାଗଡ଼, (ସଞ୍ଜୟ କୁମାର ନାୟକ) : ବିଧାୟକ ପ୍ରାର୍ଥୀ ଶ୍ରୀମତୀ ଟୁକୁନି ସାହୁ ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି । ଟିଟିଲାଗଡ଼ବାସୀଙ୍କ ସହ ଲାଇନ୍ରେ ରହି ଟୁକୁନି ଭୋଟ ଦେଇଛନ୍ତି । ଗଣତନ୍ତ୍ରର ମହାନ୍ ପର୍ବ ସାଧାରଣ ନିର୍ବାଚନରେ ଟିଟିଲାଗଡ଼ବାସୀ ସାମିଲ୍ ହୁଅନ୍ତୁ ବୋଲି ସେ ଅନୁରୋଧ କରିଛନ୍ତି । ଭୋଟର୍ମାନେ ବିକାଶକୁ ବାଛିବେ, ବିକାଶ ପ୍ରତି ଅନୁପ୍ରାଣିତ ହୋଇ ଭୋଟ୍ ଦେବେ ବୋଲି ଆଶା ପୋଷଣ କରିଛନ୍ତି ଟୁକୁନି । ଓଡ଼ିଶାବାସୀଙ୍କ ଆଶୀର୍ବାଦରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେବେ ଓ ଓଡ଼ିଶାର ବିକାଶକୁ ଆହୁରି ତ୍ୱରାନ୍ୱିତ କରିବେ ବୋଲି ସେ କହିବା ସହ ଟିଟିଲାଗଡ଼ରେ ମଧ୍ୟ ବିଜେଡ଼ି ପ୍ରତି ଲୋକଙ୍କ ଆସ୍ଥା ଓ ବିଶ୍ୱାସ ଅତୁଟ ରହିଥିବା ସେ ମତ ରଖିଛନ୍ତି ।