କେସିଙ୍ଗା, (ପ୍ରୀତେଶ ପଟେଲ) : “ମନ କି ବାତ “ପ୍ରୋଗ୍ରାମ ଏକ କାର୍ଯ୍ୟକ୍ରମ ନୂହେଁ , ଲୋକଙ୍କର ବିଶ୍ବାସ ବୋଲି କହିଲେ କଳହାଣ୍ଡି ଜିଲ୍ଲାର ସାଂସଦ ମାଳବିକା ଦେବୀ । ଆଜି ୧୨୫ ତମ “ମନ କି ବାତ ” କାର୍ଯ୍ୟକ୍ରମ କେସିଙ୍ଗା ବ୍ଲକ କନଫୋରେନସ ହଲ୍ ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଆରମ୍ଭ ଠିକ୍ ୧୧ ସମୟରେ ହୋଇଥିଲା । ପ୍ରଥମେ ତରକା ଖେଳାଳି ଓଡ଼ିଶା ରାଜ୍ୟର ଗର୍ବ ରଶ୍ମିତା ସାହୁଙ୍କ ସହ ଚର୍ଚ୍ଚା କରିଥିଲେ ଓ ତରକା କାଶ୍ମୀର ନିବାସୀ ମୋହସିଂହ ଅଳିଙ୍କୁ କାଶ୍ମୀରର ଡେଲ ଝିଲରେ ହୋଇଥିବା ନୌକା ଚାଳନା ପ୍ରତିଯୋଗୀତା ଜିତି ଥିବାରୁ ଅଭିନନ୍ଦନ ଓ ଶୁଭେଛା ଜଣାଇଥିଲେ । ଆଗାମୀ ଦିନରେ ଗଣେଷ ପୂଜା ସହ ସାରା ଭାରତରେ ପର୍ବ ପର୍ବାଣୀର ଦିବସ ଅଛି,ଏହି ପର୍ବ ପର୍ବାଣୀରେ ଭାରତ ବାସୀଙ୍କୁ ଲୋକାଲ ଫର ଭୋକାଲର ମନ୍ତ୍ର ସହ ସ୍ଵଦେଶୀକୁ ଅନୁସରଣ କରିବା ପାଇଁ ପ୍ରଧାନ ମନ୍ତ୍ରୀ ଆହ୍ଵାନ ଦେଇଥିଲେ । ମୌସୁମୀ ବର୍ଷାରେ ପୀଡିତମାନଙ୍କ ପାଇଁ ଦୁଃଖ ପ୍ରକାଶ କରିଥିଲେ ଓ ଆମ ପରିବେଶକୁ କେମିତି ସ୍ଵଚ୍ଛ ରଖିବା ଗୁରୁ ମନ୍ତ୍ର ଦେଇଥିଲେ । ଏହି କାର୍ଯ୍ୟକ୍ରମ କେସିଙ୍ଗା ନଗର ସଭାପତି ପିଙ୍କୁ ପରିଡାଙ୍କ ନେତୃତ୍ଵରେ ଆୟୋଜନ କରାଯାଇଥିଲା । ଏହି ଅବସରେ ଉପସ୍ଥିତ ଥିଲେ କଳହାଣ୍ଡି ଜିଲ୍ଲାର ବିଜେପି ସଭାପତି ଯୁଗଳ ପୋଢ଼, ବ୍ଲକ ଅଧ୍ୟକ୍ଷ ଚନ୍ଦନ ସେନାପତି, ପୂର୍ବତନ ସଭାପତି ମଗନ୍ ସିନ୍ଦୁର, ଜିଲ୍ଲା ସମ୍ପାଦକ ସନ୍ତୋଷ ଦାଶ ,ପୁର୍ବତନ ସଭାପତି ପ୍ରଶାନ୍ତ ବାନାର୍ଜୀ, ଉପ ସଭାପତି ପ୍ରୀତେଶ ପଟେଲ , ଛେଲାଉଦ୍ଧବ ସାହା ,ସାଧାରଣ ସମ୍ପାଦକ ଯୁଗଳ କିଶୋର ଦୀପ ସହ କେସିଙ୍ଗାର ସମସ୍ତ ବିଜେପି କାର୍ଯ୍ୟକର୍ତ୍ତା ମାନେ । ତାପରେ ସାଂସଦ ମାଳବିକା ଦେବୀ କେସିଙ୍ଗା ରେଲୱେ ଷ୍ଟେସନ ସମୀକ୍ଷା ପାଇଁ ଯାଇ ରେଲୱେ ଷ୍ଟେସନର ଅଧିକାରୀ ଙ୍କ ସହ ଅମୃତ ମହାଉତ୍ସବରେ ସାମିଲ କେସିଙ୍ଗା ଷ୍ଟେସନ ର କାର୍ଯ୍ୟ ଓ ପ୍ଲାଟଫର୍ମ ନମ୍ବର ୪ରେ ଟ୍ରେନ ରହଣି ବିଷୟରେ ଚର୍ଚ୍ଚା କରିଥିଲେ ।