ଡୁଙ୍ଗୁରିପାଲି, (କେପିଏନ୍ଏସ୍) : ଡୁଙ୍ଗୁରିପାଲି ମହାବିଦ୍ୟାଳୟର ଆଇକ୍ୟୁଏସି ଓ ରାଜନିତୀ ବିଜ୍ଞାନ ବିଭାଗ ଆନୁକୂଲ୍ୟରେ ଯୁକ୍ତ ତିନି ଛାତ୍ରଛାତ୍ରୀମାନଙ୍କୁ ନେଇ “ବିଶ୍ଵ ମାନବାଧିକାର ଦିବସ” ଉପଲକ୍ଷେ ଏକ କାର୍ଯ୍ୟକ୍ରମ ଭାରପ୍ରାପ୍ତ ଅଧ୍ୟକ୍ଷ ତଥା ସଂଯୋଜକ ଆଇକ୍ୟୁଏସି, ପ୍ରାଧ୍ୟାପକ ହରିହର ଦାଶଙ୍କ ସଭାପତିତ୍ଵରେ ଅନୁଷ୍ଠିତ ହୋଇଯାଇଛି । ଏଥିରେ ଶତାଧିକ ଛାତ୍ରଛାତ୍ରୀ ଅତି ଆଗ୍ରହର ସହ ଯୋଗଦାନ କରିଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ଅଧ୍ୟାପିକା ଲିପ୍ସା ବେହେରା ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ । ପ୍ରାଧ୍ୟାପକ ଡ. ସରୋଜ କୁମାର ଦାଶ ଏ ଉପରେ ଏକ ସୁଦୀର୍ଘ ବକ୍ତବ୍ୟ ରଖିଥିଲେ । ଅଧ୍ୟକ୍ଷଙ୍କ ଅଭିଭାଷଣ ପରେ ଅଧ୍ୟାପିକ। ପଦ୍ମିନୀ ଗୁରୁ ଏବଂ ଅଧ୍ୟାପିକା ନସିମା ବାନୋ ନିଜସ୍ଵ ମତ ରଖିଥିଲେ । ଉକ୍ତ କାର୍ଯ୍ୟକ୍ରମରେ ପ୍ରାଧ୍ୟାପକ ବିଜୟାନନ୍ଦ ଦାଶ, ପ୍ରାଧ୍ୟାପିକା ପଦ୍ମିନୀ ଗୁରୁ ଓ ଅଧ୍ୟାପିକା ସଂଯୁକ୍ତା ବାରିକ, ଅଧ୍ୟାପିକା ସୁପ୍ରିୟା ଡୁଙ୍ଗଡୁଙ୍ଗ, ଅଧ୍ୟାପକ ଲକ୍ଷ୍ମଣ ଭୁଏ, ଅଧ୍ୟାପକ ବିକାଶ କୁମ୍ଭାର ଓ ଅଧ୍ୟାପକ ଶ୍ୟାମସୁନ୍ଦର ସୁନା ଉପସ୍ଥିତ ଥିଲେ । ଶେଷରେ ଅଧ୍ୟାପିକା ଗୋପୀକା ଦାସ ଧନ୍ୟବାଦ ଅର୍ପଣ କରିଥିଲେ ।