ଅମାମୁଣ୍ଡା, (କେପିଏନ୍ଏସ୍) : ମନହୀରା ପଞ୍ଚାୟତର ଅମାମୁଣ୍ଡାଠାରେ ହୋପ୍ ଅନୁଷ୍ଠାନର ବାର୍ଷିକ ଶିଶୁ ମହୋତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସମ୍ପାଦକ ଶିଶିରଚନ୍ଦ୍ର ନାଗଙ୍କ ସଂଯୋଜନାରେ ଅନୁଷ୍ଠିତ ଉତ୍ସବରେ ନରେଶ ମାଥିଉସ୍, ଆଦାମ ଇସ୍ମାଏଲ୍, ସଚ୍ଚିଦାନନ୍ଦ ହନୁମାନ, ମହେଶ୍ୱର ନନ୍ଦ, ରୋହିତ ବାଗ ପ୍ରମୁଖ ମଞ୍ଚାସୀନ ଥିଲେ । ଅମାମୁଣ୍ଡା ମନହୀରା ବାଗପଡା, ଭଇଁଷା ଓ ଚନ୍ଦନଭାଟି ପଞ୍ଚାୟତର ସାଲେପାଲି ଗ୍ରାମର ଶିଶୁମାନଙ୍କ ସମେତ ଅଭିିଭାବକଗଣ ଉପସ୍ଥିତ ରହି ଶିଶୁ ମହୋତ୍ସବରେ ଛୋଟ ଛୋଟ ପିଲାମାନଙ୍କ ଦ୍ୱାରା ପରିବେଶିତ ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିଥିଲେ । ଅତିଥିଗଣ ଛୋଟ ଛୋଟ ପିଲାମାନଙ୍କ ଶିକ୍ଷାଦାନ ସହିତ ଚରିତ୍ର ଗଠନ ଉପରେ ଗୁରୁତ୍ୱାରୋପ କରିବା ପାଇଁ ଶିକ୍ଷକ ଶିକ୍ଷୟତ୍ରୀଙ୍କୁ ଆହ୍ୱାନ ଦେଇଥିଲେ । ଶିକ୍ଷୟତ୍ରୀଗଣ ଯଥା ଏଞ୍ଜେଲା ନାଗ ବବିତା ବାଗ, ସସ୍ମିତା ସେଠ, ସଙ୍ଗିତା ଧରୁଆ, ସଙ୍ଗିତା ବାଗ୍, ସୁନି ସୁନା ସମସ୍ତେ କାର୍ଯ୍ୟକ୍ରମର ସଫଳତା ନିମନ୍ତେ ସହଯୋଗ କରିଥିଲେ । ଆଖପାଖ ଅଞ୍ଚଳରେ ଅନେକ ବ୍ୟକ୍ତି ଉପସ୍ଥିତ ରହି କାର୍ଯ୍ୟକ୍ରମକୁ ଉପଭୋଗ କରିଥିଲେ ।