ବାଲିଗୁଡା, (ସୁରେନ୍ଦ୍ର କୁମାର ପାଣିଗ୍ରାହୀ) : କନ୍ଧମାଳ ଜିଲ୍ଲା ବାଲିଗୁଡା ଥାନା ଅନ୍ତର୍ଗତ କଟପଡ଼ି ଗ୍ରାମର ଏକ କୂଅରୁ ମହିଳାଙ୍କ ଶବ ଉଦ୍ଧାର କରିଛି ବାଲିଗୁଡା ପୋଲିସ । ମୃତ ମହିଳା ଜଣକ ହେଲେ ଶାନ୍ତିଲତା ମଲ୍ଲିକ । ସୂଚନା ଅନୁଗତ ଯେ, ୩ ଦିନ ହେବ ବାପ ଘରକୁ ଯିବା ପାଇଁ ବାହାରିଥିଲେ ଶାନ୍ତିଲତା । ପରେ ସେଠାରେ ପହଁଚିଲେ ନା ନାହିଁଁ ସେନେଇ ଶାନ୍ତିଲତାଙ୍କ ସ୍ୱାମୀ ବିରେନ୍ଦ୍ର ମଲ୍ଲିକ ଖବର ନେବା ପରେ ଜାଣିବାକୁ ପାଇଥିଲେ ଯେ, ଶାନ୍ତିଲତା ତାଙ୍କ ବାପ ଘରକୁ ପହଁଚି ନାହାନ୍ତି ଏବଂ ଶାନ୍ତିଲତା କୁଆଡେ଼ ଚାଲି ଗଲେ ବୋଲି ଶାନ୍ତିଲତାଙ୍କୁ ଖୋଜାଖୋଜି କରିଥିଲେ ପରିବାର ଲୋକେ ହେଲେ ଆଜି ସକାଳୁ କଟପଡ଼ି ଗ୍ରାମର ସ୍ଥାନୀୟ ଲୋକେ ଗାଁ ନିକଟସ୍ଥ ସେହି କୂଅକୁ ଶୌଚ ହେବା ପାଇଁ ଯାଇଥିବା ବେଳେ ଶାନ୍ତିଲତାଙ୍କ ଶବ କୂଅରେ ଭାସୁଥିବାର ଦେଖି ପରିବାର ଲୋକଙ୍କୁ ଜଣାଇଥିଲେ । ଖବର ପାଇ ଘଟଣା ସ୍ଥଳରେ ପରିବାର ଲୋକେ ପହଁଚି ବାଲିଗୁଡ଼ା ଥାନା ପୋଲିସକୁ ଜଣାଇଥିଲେ । ପୋଲିସ୍ ପକ୍ଷରୁ ସୂଚନା ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ଶବ ଉଦ୍ଧାର କରିବା ସହ କେଉଁ ପରିସ୍ଥିତିରେ ଶାନ୍ତିଲତା କୂଅରେ ବୁଡ଼ିଲେ ଏବଂ ତାଙ୍କର ମୃତ୍ୟୁ କିପରି ଘଟିଲା ତାହା ଏପର୍ୟ୍ୟନ୍ତ ସ୍ପଷ୍ଟ ହୋଇନାହିଁ । ଏ ନେଇ ପୋଲିସ ତଦନ୍ତ ଜାର ରହିଛି ବୋଲି ଜଣାପଡ଼ିଛି ।