ବଲାଙ୍ଗିର, (କେପିଏନ୍ଏସ୍) : ଜେଏସ୍ଏମ୍ କଳା, ବିଜ୍ଞାନ ଏବଂ ବାଣିଜ୍ୟ ମହାବିଦ୍ୟାଳୟ ପକ୍ଷରୁ ସୁଦାମା କୁଟୀର (ଗଇଁତଲା) ଠାରେ ଯୁକ୍ତ ୨ ଓ ଯୁକ୍ତ ୩ ପାସ୍ କରିଥିବା ଛାତ୍ରଛାତ୍ରୀମାନଙ୍କୁ ବିଦାୟକାଳୀନ ସମ୍ଭର୍ଦ୍ଧନା ଜ୍ଞାପନ କରାଯାଇଛି । ଏହି କାର୍ଯ୍ୟକ୍ରମରେ ଅଧ୍ୟକ୍ଷ ସିଏ. ଶ୍ରୀକାନ୍ତ ଶର୍ମା, ସମ୍ପାଦିକା ଶ୍ରୀମତୀ ସୁମନ୍ ଶର୍ମା, ଅଧ୍ୟକ୍ଷ ଉପେନ୍ଦ୍ର ମହାନ୍ତି, ଅଧ୍ୟକ୍ଷା ଡଃ. ମନସ୍ମିତା ମିଶ୍ର ଓ ଅନ୍ୟ ଶିକ୍ଷକ ଓ ଶିକ୍ଷୟତ୍ରୀମାନଙ୍କ ଦ୍ୱାରା ଦୀପ ପ୍ରଜ୍ୱଳନ ସହିତ କାର୍ଯ୍ୟକ୍ରମ ଆରମ୍ଭ ହୋଇଥିଲା । ମୁଖ୍ୟ ଅତିଥି ବରିଷ୍ଠ ଶିକ୍ଷାବିତ ମନୋରଞ୍ଜନ ସାହୁ ଯୋଗଦେଇ ଛାତ୍ରଛାତ୍ରୀମାନଙ୍କୁ ଉତ୍ତମ ଭବିଷ୍ୟତ ଓ ଚରିତ୍ର ନିର୍ମାଣ କରିବା ନିମନ୍ତେ ଉତ୍ସାହିତ କରିଥିଲେ । ଆଗକୁ ମଧ୍ୟ ତାଙ୍କ ଭବିଷ୍ୟତ କିପରି ଉଜ୍ଜଳମୟ ହେବ ସେଥିପାଇଁ ଛାତ୍ରଛାତ୍ରୀମାନଙ୍କୁ ଦିଗ୍ ଦର୍ଶନ ଦେଇଥିଲେ । ଅନୁଷ୍ଠାନରେ ଛାତ୍ରଛାତ୍ରୀମାନେ ସ୍ମୃତିମୟ ମୁହୂର୍ତ୍ତଗୁଡ଼ିକୁ ଆଲୋଚନା କରିଲେ ଏବଂ ତାଙ୍କର ଶିକ୍ଷାଜୀବନର ଅନୁଭୂତିଗୁଡ଼ିକୁ ଅଭିବ୍ୟକ୍ତ କରିଲେ । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଯାହା ଛାତ୍ରଛାତ୍ରୀମାନଙ୍କ ମନରଞ୍ଜନ କରିବା ସହିତ ସମ୍ପୃକ୍ତତା ବଢାଇଲା । ଏହି ବର୍ଷ ମିସ୍ ଜେଏସ୍ଏମ୍ ରାଜଶ୍ରୀ ଜୁଏଡ୍ (ଦ୍ଦ୍ୱିତୀୟ ବର୍ଷ କଳା), ମିଷ୍ଟର୍ ଜେଏସ୍ଏମ୍ ଗିରିଧାରୀ ସ୍ୱାଇଁ (ଦ୍ୱିତୀତିୟ ବର୍ଷ କଳା), ମିସ୍ ଜେଏସ୍ଏମ୍ ସିଦ୍ଧି ଅଗ୍ରୱାଲ୍ (ଦ୍ୱିତୀୟ ବର୍ଷ ବାଣିଜ୍ୟ), ମିଷ୍ଟର୍ ଜେଏସ୍ଏମ୍ ସୁନିଲ୍ ମେହେର୍ (ଦ୍ୱିତୀୟ ବର୍ଷ ବାଣିଜ୍ୟ), ମିସ୍ ଜେଏସ୍ଏମ୍ ଅଙ୍କିତା ଅଗ୍ରୱାଲ୍ (ସ୍ନାତକ ବାଣିଜ୍ୟ ), ମିଷ୍ଟର୍ ଜେଏସ୍ଏମ୍ (ପିକୁ ଶର୍ମା)ଙ୍କୁ ଘୋଷଣା କରାଗଲା । ଏହି ବିଦାୟକାଳୀନ କାର୍ଯ୍ୟକ୍ରମରେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଓ ଅନ୍ୟାନ୍ୟ ସହକର୍ମୀ ଗଣ ଉପସ୍ଥିତ ଥିଲେ ।