କଳାହାଣ୍ଡି, (ପି.କେ.ସାହୁ) : ଘରେ ପଶି ଲୁଟିନେଲେ ଗାଡି ଟିଭି ସହ ୪୦ ଭରି ସୁନା ଗହଣା । ସୂଚନା ଅନୁସାରେ କଳାହାଣ୍ଡି ଜିଲ୍ଲା କୋକସରା ଥାନା ମୋଟେ ଗାଁରେ ଘଟିଛି ଏହି ଘଟଣା । ଜଗଦୀଶ ପାଟଯୋଷୀଙ୍କ ପରିବାର ରାତିରେ ଘରେ ଶୋଇଥିବା ବେଳେ କିଛି ଦୁର୍ବୃତ ହଠାତ୍ ଜଗଦୀଶଙ୍କ ଘରେ ପଶି ଥିଲେ । ଦୁର୍ବୃତ ମାନେ ପରିବାର ଲୋକଙ୍କ ମୁଣ୍ଡରେ ବନ୍ଧୁକ ଲଗାଇ ଭୟଭୀତ କରିଥିଲେ ଓ ଆଲମିରାରେ ଥିବା ୪୦ ଭରି ସୁନା ଗହଣା, ଘରେ ଥିବା ଏକ ଟିଭି ଓ ବାରଣ୍ଡାରେ ଥିବା ଏକ ବୁଲେଟ୍ ମୋଟର୍ ସାଇକେଲ୍ ନେଇ ଫେରାର୍ ହୋଇଯାଇଥିବା ଜଣାପଡ଼ିଛି । ସେମାନେ ଯିବା ପରେ ଜଗଦୀଶ ପାଟିକରି ଗାଁ ଲୋକଙ୍କୁ ଡାକିଥିଲେ । ହେଲେ ଗାଁ ଲୋକ ପଂହଚିବା ପୂର୍ବରୁ ଦୁର୍ବୃତ ମାନେ ଫେରାର୍ ହୋଇଯାଇଥିଲେ । ଏ ନେଇ ଜଗଦୀଶ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ କରିବା ସହ ଲୁଟେରାମାନଙ୍କୁ ଧରିବାକୁ ପ୍ରୟାସ ଜାରି ରଖିଛି ।