ବଲାଙ୍ଗିର, (ଦେବାଶିଷ ମିଶ୍ର) : ଦିଲ୍ଲୀ ସିସିଆର୍ଟି ତରଫରୁ ସୁଶ୍ରୀ ଶିଖା ବାଗ ଲୋକନୃତ୍ୟରେ ଏବଂ ସୁଶ୍ରୀ ଶ୍ରଦ୍ଧାରାଣୀ ମଲ୍ଲିକ ଲୋକଗୀତରେ ସାଂସ୍କୃତିକ ପ୍ରତିଭା ଅନ୍ୱେଷଣ ବୃତ୍ତି ପାଇବାକୁ ମନୋନୀତ ହୋଇଛନ୍ତି । ଶିଖା ଏବଂ ଶ୍ରଦ୍ଧା ଢୋଲମୁହୁରୀ ଅନୁଷ୍ଠାନରେ ଗୁରୁ ନିଳାଞ୍ଚଳ ନନ୍ଦଙ୍କ ତତ୍ତ୍ୱାବଧାନରେ ପ୍ରଶିକ୍ଷଣ ନେଇ ଜାତୀୟ ସ୍ତରରେ ଏଭଳି ସଫଳତା ହାସଲ କରିଛନ୍ତି । ଶିଖା ଏବଂ ଶ୍ରଦ୍ଧା ଆଦର୍ଶ ବିଦ୍ୟାଳୟ ପଥରଚେପା ବଲାଙ୍ଗିରରେ ପଢୁଛନ୍ତି । ଫଳରେ ବଲାଙ୍ଗିର ଜିଲ୍ଲାରେ କଳାକାର ମହଳରେ ଖୁସିର ଲହର ଖେଳି ଯାଇଛି ।