ଖପ୍ରାଖୋଲ, (କିଷ୍ଣା ସେଠୀ) : ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଲାଠୋର ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଠାରେ ଆଜି ସମାଜସେବୀ ସୁଶିଲ ଅଗ୍ରୱାଲଙ୍କ ନେତୃତ୍ୱରେ ଗରିବ ଜନତାଙ୍କ ସାଥି ସମାଜସେବୀ ଦରଦୀ ମଣିଷ ଲଳିତ ନାୟକଙ୍କ ଶୋକସଭା ଅନୁଷ୍ଠିତ ହୋଇଯାଇଛି । ସଭାରେ କୁଞ୍ଜବିହାରୀ ସରାଫ୍, ସଦାନନ୍ଦ ବେହେରା, ସତ୍ୟନାରାୟଣ ମେହେର, ସନ୍ତୋଷ ଭଇଁସାଲ, ଡଃ ନାରାୟଣ ପ୍ରଧାନ, ଶିବ ପ୍ରସାଦ ବାରିକ ଯୋଗ ଦେଇଥିଲେ । ପ୍ରଥମେ ଶ୍ରୀ ନାୟକଙ୍କ ପ୍ରତିଛବିରେ ମାଲ୍ୟାର୍ପଣ କରି ଧୂପ, ଦୀପ ଦେଇ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା । ପରେ ବକ୍ତାମାନେ ଶ୍ରୀ ନାୟକଙ୍କ ସମାଜ ପ୍ରତି ରହିଥିବା ଅବଦାନ ଉପରେ ଆଲୋକପାତ କରିଥିଲେ । ଏହି ଅବସରରେ ରମାକାନ୍ତ ମହାନ୍ତି, ସୁଧାଂଶୁ ଖମାରୀ, ମୁକେଶ ସୁନା, ଧିରେନ୍ଦ୍ର ସୁନା, ଲଲିତ ଭଇଁସାଲ, ଆନନ୍ଦ ଅଗ୍ରୱାଲଙ୍କ ସହ ଲାଠୋର ଗଣମାଧ୍ୟମ ପ୍ରତିନିଧିମାନେ ସକ୍ରିୟ ଅଂଶଗ୍ରହଣ କରିଥିଲେ । ସଭା ପରିଚାଳନା ସୀମିତ ସାହୁ କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ ଶଙ୍କର ମେହେର ।
