ବଲାଙ୍ଗିର, (ଦେବାଶିଷ ମିଶ୍ର) : ଆଗାମୀ ଦିନକୁ ହେବାକୁ ଥିବା ୫୦ତମ ଜାତୀୟ କବାଡି ପ୍ରତିଯୋଗିତାରେ ଭାଗ ନେବା ପାଇଁ ଆଗ୍ରହୀ ବଲାଙ୍ଗିର ଜିଲ୍ଲା ବାଳକ ଓ ବାଳିକା ପ୍ରତିଯୋଗୀମାନେ ରାଜ୍ୟ ସ୍ତରୀୟ ଚୟନ ଶିବିରକୁ ଉନ୍ନିତ ହେବାକୁ ହେଲେ ସେମାନଙ୍କୁ ପ୍ରଥମେ ଜିଲ୍ଲା ସ୍ତରୀୟ ଚୟନ ଶିବିରରେ ଅଂଶଗ୍ରହଣ କରିବାକୁ ହେବ । ଏହି ଉପଲକ୍ଷେ ବଲାଙ୍ଗିର ଜିଲ୍ଲା କ୍ରୀଡା ସଂସଦ ପକ୍ଷରୁ ଗାନ୍ଧୀ ଷ୍ଟାଡିଅମ ଠାରେ ଆସନ୍ତା ୧୪ ଡିସେମ୍ବର ୯.୩୦ରେ ଏକ ଚୟନ ଶିବିର ଆୟୋଜିତ ହେବ । ନିର୍ଦ୍ଧାରିତ ସମୟରେ ଖେଳାଳିମାନେ ସେମାନଙ୍କ ଉନ୍ନତ କ୍ରୀଡା ପ୍ରଦର୍ଶନ କରିବାକୁ ସଂସଦ ଆହ୍ୱାନ କରିଛି । ନିୟମାବଳୀ ସଂପର୍କିତ ବିଶେଷ ସୂଚନା ପାଇବା ପାଇଂ ଖେଳାଳିମାନେ କ୍ରୀଡା ସଂପାଦକ ବିଭୁତି ଭୂଷଣ ପଣ୍ଡାଙ୍କୁ ଯୋଗାଯୋଗ କରିପାରିବେ ବୋଲି ସାଧାରଣ ସଂପାଦକ ହରିନାରାୟଣ ପୁଜାରୀ ପ୍ରକାଶ କରିଛନ୍ତି । ସେହିପରି ୨୩ ଡିସେମ୍ବର ସକାଳ ୯ଟା ୩୦ସମୟରେ ଗାନ୍ଧୀ ଷ୍ଟାଡିମରେ ସିନିୟର ଭଲିବଲ ପରୁଷ ଓ ମହିଳା ଖେଳାଳି ଚୟନ ଶିବିର ଅନୁଷ୍ଠିତ ହେବ । ଆଗ୍ରହୀ ଖେଳାଳିମାନ ଏଥିରେ ଅଂଶଗ୍ରହଣ କରିବା ପାଇଁ ସଂସଦ ଆହ୍ୱାନ କରିଛି । ସବିଶେଷ ତଥ୍ୟ ଜାଣିବା ପାଇଁ ଭଲିବଲ ସଂପାଦକ ସଂଗ୍ରାମ କେଶରୀ ବହିଦାରଙ୍କୁ ଖେଳାଳି ମାନେ ଯୋଗଯୋଗ କରିବାକୁ ସଂସଦ ଅନୁରୋଧ କରିଛି ।