ଡେ଼ଲାଙ୍ଗ, (ଦିଲୀପ କୁମାର ଧାଉଡ଼ିଆ) : ଡେଲାଙ୍ଗ ବ୍ଲକ୍ ବିଇଓଙ୍କ ତତ୍ୱାବଧାନରେ ସମଗ୍ର ଶିକ୍ଷା ଗାଇଡ଼ ଲାଇନ ଅନୁସାରେ ବିଦ୍ୟାଳୟ ମାନଙ୍କର ଦଶମ ଶ୍ରେଣୀ ଅଧ୍ୟୟନରତ ଛାତ୍ରଛାତ୍ରୀମାନଙ୍କ ମାର୍ଗଦର୍ଶନ ଦିଆଯାଉଛି । ଛାତ୍ରଛାତ୍ରୀମାନଙ୍କର ମନୋବଳ ବଢ଼ାଇବା ସହିତ ଆତ୍ମବିଶ୍ୱାସ ସୃଷ୍ଟି କରିବା ଓ କୋଭିଡ଼ ଗାଇଡ଼ ଲାଇନକୁ ମାନି ଚଳିବାକୁ ସଚେତନ କରାଯାଉଛି । ଦଶମ ଶ୍ରେଣୀ ବାର୍ଷିକ ପରୀକ୍ଷା ପାଇଁ ସରକାରଙ୍କ ଯେଉଁ ସବୁ ସୁବିଧା ସୁଯୋଗର ପ୍ରୋତ୍ସାହନକୁ ଉପଲବ୍ଧତା ପାଇଁ ଦୃଷ୍ଟି ଆକର୍ଷଣ କରାଯାଉଛି ଓ ଏଥିସହିତ ସମସ୍ତ ଛାତ୍ରଛାତ୍ରୀ ପରୀକ୍ଷା ଦେବା ପାଇଁ ଯେପରି ପ୍ରସ୍ତୁତ ହୁଅନ୍ତି ସେଥିପାଇଁ ଡୋର୍ ଷ୍ଟେପ୍ ଭିଜିଟ୍, ଫୋନ୍ ସହିତ ଯୋଗାଯୋଗ ଇତ୍ୟାଦି ଛାତ୍ରଛାତ୍ରୀ ଓ ଅଭିଭାବକ ମାନଙ୍କ ସହିତ ରଖଯାଉଛି । ଏହି କାର୍ଯ୍ୟକ୍ରମକୁ ପରିଚାଳନା କରୁଛନ୍ତି ତିନି ଜଣ ଲେଡ଼ି କାଉନ୍ସିଲର ତଥା ଶିକ୍ଷୟତ୍ରୀ ଲକ୍ଷ୍ମୀପ୍ରିୟା ଦାଶ, ରେଣୁବାଳା ମହାପାତ୍ର, ଅନ୍ନପୂର୍ଣ୍ଣା ହରିଚନ୍ଦନ ।
